তালের গাছ থুইলে হাড়ি পৃথিমিতে গাড়িয়া।
উঠিলে হাড়ি সিদ্দা গাও মোড়া দিয়া ॥১৯০৫
সাজ সাজ বলিয়া সিদ্দা হাড়ি সাজিতে নাগিল।
বাওন্নমনি ক্যাঁথা নিল কোমরে বান্দিয়া।
আশিমনি সোডা নিলে কপালে ডাবিয়া ॥
নয়মনিয়া খড়ম নিলে চরনে নাগায়া।
মন পঞ্চাশে ভাঙ্গের গুড়া মুখের মধ্যে দিয়া।১৯১০
কলসি দশেক জল দিয়া ফ্যালাইল গিলিয়া।
আর গৈড় মার গৈড় তিন গৈড় দিয়া।
বজ্জর চাপড় হাড়িক কসিয়া মারিল।
ধ্যানত আছিল হাড়ি চমকিয়া উঠিল॥
ধ্যানত হাড়ী গুরু ধ্যান করি চায়।
ধ্যানর মাঝত ময়নার লাগাল পায়॥
যাঁও যাঁও দিদি রাজাক নাগিয়া।
তোর বেটাক উদ্ধার করিলে পিছে খামু গাঞ্জা॥
পাঠান্তর—
আগে ছেইলাক উদ্ধারিয়া পিছে গাঁজা খাব।
ইহার পর গ্রীয়ার্সন সাহেবের সংগৃহীত পাঠে—
যদি কালে ছাইলার জ্ঞান অল্প দেখিব।
চাই ভস্ম করিয়া হাড়ি তোক যম ঘর পাঠাব॥
পাঠান্তরে পাই—
বাজ্জন্ত চাপড় মিত্তিঙ্গাএ মারিল।
পাতালেতে সিদ্দার আসন নড়িল॥
বট খাগরা গাওত ডাঙ্গাইতে নাগিল।
সাজ সাজ বলি সিদ্দা সাজিতে নাগিল॥
দিদির ছাইলাক বন্দক থুইছি হিরা নটির ঘরে।
এই কারনে ডাঙ্গায় দিদি কানে আর কপালে॥
তেমনিয়া হাড়ি সিন্দা এই নাওঁ পাড়াব।
দিদির ছাইলাক আনি দিয়া তেমনি লজ্জা দিব॥
