ওগোমা,—নাই আসে রাজা বাস্সা নাই আসে সাজিয়া।১৯৪৫
ও খেপির বৈরাগিটা আসছে সাজিয়া॥
জ্যানকালে হিরা নটি হাড়ির নাম শুনিল।
হাতে মাতে দোনো বইনে চমকিয়া উঠিল॥
বান্দির তরে কথা বলিতে নাগিল॥
কিবা কর বান্দি বেটি নিছন্তে বসিয়া।১৯৫০
পাচখানি পোসাক নে ঝাম্পাএ করিয়া॥
ত্যাল খইলা নে বান্দি তুই কোটরা ভরিয়া।
বাইরে বাইরে জা কত্তোয়ার ঘাটতো নাগিয়া॥
ত্যাল খইলে মহারাজাক নে ছিনান করিয়া।
পাচখানি পোসাক দেইস পরিধান করিয়া [১]১৯৫৫
কানপাই ঘোড়াত চড়ি আন তো জলদি করিয়া॥[২]
হিরা নটি জখন বান্দিক হুকুম করিল।
কানপাই ঘোড়া বান্দি সাজাইতে নাগিল॥
পাচখানা পোসাক নিলে ঝাম্পায় করিয়া।
ত্যাল খৈলা নিলে বান্দি কোটরাএ ভরিয়া॥১৯৬০
- ↑ পাঠান্তর—
মেহি মেহি কাপড় ন্যাও বোকনা করিয়া।
আচ্ছা জতনে রাজাক সেনান করাইয়া।
জেইঠে জেখান কাপড় শোভে সউক ন্যাও পরিয়া॥ - ↑ পাঠান্তর—
পাছ দুয়ার দিয়া রাজাক আইস ধরিয়া।
কড়ি বার কড়া নেউক ওর দরজায় গনিয়া।
আমার ঘরের সুন্দর চ্যালা দেউকতো আনিয়া॥
দৌড় পাড়িয়া বান্দির বেটি খবর জানাইল।
জেই রাজা বান্দা থুইছে হাড়ি লঙ্কেশ্বর।
সেই হাড়ি আইছে তোমার দরজার উপর॥
