মএনার বাক্য জ্ঞাতা সকল ব্রথা না করিল।
কাষ্ট খুড়া চত্রুদিগে ফ্যালায়া দিল॥
তিল সরিসা তৈল্ল ঘি দিল চুলিতে ফ্যালায়া। ৫৯৫
আপনে ডাহিনি মএনা দিলে আনল নাগেয়া॥
বহ বহ করিয়া আনল উঠিল জলিয়া॥
কোলাতে পুড়েছে রাজাক সরগে উঠে ধুমা।
ব্রহ্মার ভেতর বসি থাকিল্ যেমন কাঞ্চা সোনা॥
কোলাতে পুড়িয়া রাজাক কোলাতে কৈল্ল ছাই। ৬০০
ব্রহ্মার ভেতর বসি থাকল মএনা লোহার কলাই॥
কোলাএ পুড়িয়া মএনা আঙ্গার দিল ভাটি।
ব্রহ্মাএ বসিয়া থাকল জ্যান লোহার খাটি॥
দুখান একান করি খড়ি দিল চিতার উপর।
সাত দিন জলে আনল শিরের উপর॥৬০৫
রাজাকে শস্ করিয়া মএনা পাহাড়ে পাও দিল।
গুপিচন্দ্র রাজার জন্ম চুলির মাঝে হৈল॥
ছাইলাক দেখিয়া মএনা বড় খুসি হৈল।
গঙ্গাতে এক ডুব দিয়া ছেইলা কোলে নিল॥
হরি ধ্বনি দিয়া জ্ঞাতা সকল গমন করিল॥৬১০
মানিকচন্দ্র মরি গ্যাল গোপিচন্দ্র হৈল।
হেমাই পাত্র বলি মএনা ডাকিবার নাগিল॥[১]
- ↑ গ্রীয়ার্সন সাহেবের সংগৃহীত পাঠ—
আঠার মাস আঠার দিন ময়নার গেল পুরিয়া।
ঐত ধর্ম্মি রাজা করট ফিরিল।
হাড়িয়া কোনে যেন দেওয়া গৰ্জ্জিল॥
মৈল্লাম মৈল্লাম বলিয়া ময়না কান্দিবার লাগিল।
খরুপা জ্ঞান ময়না মারিল তুলিয়া।
বাওয়ান্ন কুটি কোচড়া ফেলাইল কাটিয়া॥
মৈল্লাম মৈল্লাম বলিয়া ময়না নিম তরু তলে উঠিল।
