এই পাতাটির মুদ্রণ সংশোধন করা হয়েছে, কিন্তু বৈধকরণ করা হয়নি।
শ্রীরামকৃষ্ণস্তোত্রাণি।
(১)
ওঁ-হ্রীং ঋতং ত্বমচলো গুণজিৎ গুণেড্যঃ।
ন-ক্তন্দিবং সকরুণং তব পাদপদ্মম্।
মো-হঙ্কষং বহুকৃতং লভসে যতোঽহং।
তস্মাত্ত্বমেব শরণং মম দীনবন্ধো! ১॥
ভ-ক্তিং ভগশ্চ ভজনং ভবভেদকারি।
গ-চ্ছন্ত্যলং সুবিপুলং গমনায় তত্ত্বং।
ব-ক্ত্রোদ্ধৃতোঽপি হৃদয়ে ন মে ভাতি কিঞ্চিৎ।
তস্মাত্ত্বমেব শরণং মম দীনবন্ধো! ২॥
তে-জন্তরন্তি ত্বরিতং ত্বয়ি তৃপ্ততৃষ্ণাঃ।
রা-গং কৃতে ঋতপথে ত্বয়ি রামকৃষ্ণে।
ম-র্ত্ত্যামৃতং তব পদং মরণোর্ম্মিনাশং।
তস্মাত্ত্বমেব শরণং মম দীনবন্ধো! ৩॥
কৃ-ত্যং করোতি কলুষং কুহকান্তকারি।
ষ্ণা-ন্তং শিবং সুবিমলং তব নাম নাথ।
য-স্মাদহং অশরণো জগদেকগম্য।
তস্মাত্ত্বমেব শরণং মম দীনবন্ধো। ৪॥