চন্দ্রদিবাকরৌ চ রাহুগ্রহণতয়া উপদেশাগ্নিনা সর্ব্বং ভক্ষয়েদিতি। ন কেবলং তীর্থাদি সহজপীঠোপপীঠাদিষু চ। তমাহ।
ক্খেত্তুপীঠ উপপীঠ এত্থু ইতি।
এবং ক্ষেত্রোপক্ষেত্রাদি সর্ব্বং হি চতুর্ব্বিংশতিস্থানানি। স বাহ্যভ্রমণকার্য্যমস্তি। স চ
মই ভমই পরিঠ্ঠবো ইতি।
ময়া পরিভ্রমণস্থাপিতযোগিন্যুপদেশাৎ বাহ্যাধ্যাত্মিকং বিশ্বং সুখময়মেবেতি ভাবার্থঃ। এতেন কিমুক্তং স্যাৎ। স্বশরীরং সুখরূপ[ং] তস্য ধাতুঃ পীঠাদিরূপতয়া বাহ্যেষু প্রবৃত্তিঃ। তেনাহ—
দেহাসরিসঅ তিত্থ মাই সুহঅ ণ দীঠ্ঠও॥ ইতি।
দেহা শরীরসদৃশং তীর্থ[ং] সুখরূপ[ং] যদি ভবতি তদা সুস্থং। [১৫ক] যদা শরীরসদৃশং তীর্থং ময়া সুখং নষ্টমিতি তস্মাদভিন্নেন বিহর্ত্তব্যং যোগিনেতি। এবং পুনর[া]ধ্যাত্নিকেষু পীঠাদিষু চ সঞ্চারাদিনাবগন্তব্যং তেষু চ সুখময়েন সঞ্চারং ন বায়ুমাত্রেণেতি। তস্মাৎ ধর্ম্মমহাসুখময়ং পীঠাদি সিদ্ধং। ইত্থমাধ্যাত্নিকপীঠাদিদেবতাধিষ্ঠানবতো নিষ্পন্নযোগিনো বাহ্যপীঠা[দি]ভ্রমণমনর্থকং। যথোক্তং—
চতুর্ব্বিংশতিভেদেন পীঠাদ্যত্রৈব সংস্থিতং।
অতস্তদ্গ্রহণার্থেন খেদঃ কার্য্যো ন তাত্ত্বিকৈঃ॥
যদি তত্ত্ববিহীনস্য ভ্রান্ত্যাবেশান্ন কিঞ্চন।
অথ তত্রোপেতাস্তে স্যুর্ভ্রান্ত্যা তেষাং ন কিঞ্চন॥ ইতি।
তস্মাদভিন্নরূপমিতি নিশ্চয়ঃ। তমাহ
সণ্ডপুঅণিদলকমলগন্ধকেশরবরণালেঁ। ইতি।
দৃষ্টানে পদ্মস্য পৃথগ্ভাব[ং] ত্যজ, স নচৈ(রে)কৈকস্য পর্য্যায়স্য, সণ্ড যথা পুঅণি পদ্মপত্র[ং] দলঞ্চ কমলঞ্চ গন্ধকেশরঞ্চ বরমুৎকৃষ্ট[ং] নালঞ্চ। এবং—
ছড়ুহু বেণি ম[ণ]করহু সোসং ন লগ্গহু বট আলেঁ॥
হে পশুপুরুষ উক্তপদ্মস্য পৃথগ্ভাব[ং] ত্যজত একৈ(বৈ)কস্য পর্য্যায়স্য; চিত্তশোষং কুরু। তস্মাদীদৃশস্যাজ্ঞানবাক্যস্য নানাশাস্ত্রোপচারাৎ সুখবাহ্যে মা লগ্গসি। তথা—
কাম তত্থ খয জাই পুচ্ছহ কুলহীণও।
বম্হ বিঠ্ঠু তহিং ত লোঅ সহজহি ণিলীনও ইতি।
কিং মন্ত্রশাস্ত্রেণ সহজবাহ্যেন, পৃচ্ছাং কুরু, তৈর্বিনা সর্ব্বমন্ত্রশাস্ত্রং ক্ষয়ং যাতি। যথা কুলহীনেন পুত্রেণা(পুত্ত্রোনা)সারেণ চ পিতুরভাবাৎ সর্ব্বং যৎ কিঞ্চিৎ [১৬] দ্রবিণাদি ক্ষয়ং যাতি। সর্ব্ব[ং]
