রাজাদিনা গৃহ্যতে(ন্তে)। এবং তত্ত্বহীনেন সর্ব্বমন্ত্রশাস্ত্রং ধর্ম্মং বা অবিদ্যাদিগৃহীতৈঃ ক্ষয়ং যাতি এবং সমুদায়ার্থঃ। সহজাকাশবৎ ত্যক্ত্বা বিকল্পনা[ং] জ্ঞানাশ্রয়াৎ নামধেয়মাত্রং ন লভতে তথাগতোঽন্যশ্চ। তস্মিন্ সর্ব্বং ক্ষয়ং যাতি। এবং কুলপঞ্চতথাগতাদি সর্ব্বং হীনা ভবন্তি। যস্মিন্ স্থানে অন্যে চ ব্রাহ্মবিষ্ণুমহেশ্বরাদীনি তস্মিন্ সকললোকা লীনা লগ্না ন কিঞ্চিত্তত্ত্ববিদো ভবন্তি। তস্মাৎ সর্ব্বশাস্ত্রতত্ত্ববেদিনস্তৈর্বিনা নিষ্ফলা ইতি।
তথাচোক্তং॥
চতুরাশীতিসাহস্রে ধর্ম্মস্কন্ধে মহামুনেঃ।
তত্ত্ব[ংষে] বৈ ন জানন্তি সর্ব্বে তে নিষ্ফলা ইতি॥
অত আহ—
অ(য়)রে পুত্ত বোজ্জু রসরসণ সুসংঠিঅ অবেজ্জ।
বক্খণ পঢ়ন্তেহি জগহি ণ জাণিউ সোজ্ঝ॥ ইতি।
হে পুত্র ত্বয়া রসরসায়নসাধনকালে স্ফুটতরশুদ্ধিমজানানো যথা নষ্ট[ঃ] তথা রাগাদিশুদ্ধিমজানানো নষ্টঃ। ত্বমীদৃশং মা কুরু। রাগাদভিলষিতধর্ম্মাদিষু ক্রীড়া যা সা তত্ত্বরহিততয়া[সু]ষ্ঠু সংগৃহীতা অবিদ্যৈবেতি। ন কেবলং তত্ত্বং প্রতি। অন্যে চ লোকাঃ ব্যাখ্যানং কুর্ব্বন্তি পঠন্তি চ। তেষা[ং] সর্ব্বং নিষ্ফল[ং] ভবতি। কুতঃ। জগৎসংসারস্য অ(সু)জ্ঞানাৎ। যঃ পুনর্জানাতি। তস্যোচ্যতে।
অরে পুত্ত তত্ত বিচিত্ত রস কহণ ণ সকই বত্থ।
কপ্পরহিঅ সুহঠাণু বরু জগ উবজ্জই তত্থ॥ ইতি।
হে সিষ্য [১৬ক] পুত্র যৎ তত্ত্বং বিচিন্তিতং (তত্ত্ব বিচিত্ততং) তস্য রসং স্বা(সা)নুভবকথনং ন শক্যতে। ইদ[ং] বস্তুরূপং নীলপীতাদ্যাকারং তদ্বৎ কিং তৎ স্বসংবেদ্যং, যতঃ, “তাং জানাতি স এব হি”। তস্মাৎ কল্পরহিতং সুখস্থানং যস্মাচ্ছ্রেষ্টজগতত্ত্বরূপমিতি ভাবঃ। এব[ং] ধ্যানেন নোপলভ্যতে স্বভাবসিদ্ধত্বাৎ; গুরুপরিজ্ঞানমাত্রেণোপলভ্যতে নাভিমানাদিনা। তদাহ।
বুদ্ধি বিণাসই মণ মরই জহি অহিমান।
সো মাযাময় পরম কলু তহি কিম্বজ্জই ঝাণ॥ ইতি।
এব[ং] গুরুণা দত্তসহজামুখীকরণাৎ যৎকিঞ্চিৎ কল্পি[তাং] বুদ্ধি[ং] বিনাশয়তি বিস্মরণং করোতি বিকল্পমনো ম্রি(শ্রি)য়তে বাহ্যাদিবস্তুলক্ষকং ন ভবতি। তস্মিন্ স্থানে অভিমানতা অহংকার আত্মাত্মীয়কল্পনা ত্ত্রু(ত্তু)ট্যতি ক্ষয়ং যাতি। যস্মাৎ স মায়াময়পরমকলারূপকং কলেতি ষোড়শী কলেব নার্থং করোতি কিঞ্চিৎ। তদিহ হি ধ্যানবন্ধনেন কিং কার্য্যমস্তি। মন[ঃ]পরিকল্পিততয়া নাস্তীতি যাবৎ। তস্য বিশেষণমাহ।
