পাতা:বৌদ্ধগান ও দোহা.djvu/২২০

উইকিসংকলন থেকে
এই পাতাটির মুদ্রণ সংশোধন করা হয়েছে, কিন্তু বৈধকরণ করা হয়নি।
ডাকার্ণব
১২৯

শ্রীচ পূর্ব্বাভিধানেন উৎপদ্যন্তে ধরাদিকং।
গীতবাদ্যাশ্চ গন্ধর্ব্বমন্যাঃ যানি চ তানি চ॥
জন্তুবর্গঞ্চ কর্ম্মঞ্চ সম্ভবো তস্য ধারয়া।
ইত্যেবং সংপ্রজায়ন্তে সপ্তবিংশসহস্রকং॥
রহস্যে পরমে রম্যে সর্ব্বাত্মনি সদা স্থিতঃ।
ষোড়শাকারতত্ত্বং চ উৎপত্তিলয়হেতুকং॥
যোগযোগিনীতত্ত্বঞ্চ জায়তে মাসভেদতঃ।
আনন্দং সদতো জ্ঞাত্বা প্রতিপচ্চন্দ্রবর্দ্ধনাৎ॥
হ্রস্বং তত্রৈব বিজ্ঞেয়া কৃষ্ণাদ্যাপি শুক্লান্তকং।
এবং শ্রুতং ময়া বাক্যং তস্য সর্ব্বস্য সংবিদং॥
সংশয় সর্ব্বমত্রৈব কিং রহস্যাদি বাক্যকম্।
কথয়ন্তু মম স্বামি সত্বানামুপকারকং॥
তুষ্টাম্যহং মহাদেবি সত্বোপকারহেতুকাং।
কথয়ামি সমাসেন শৃণ্বেকাগ্রত্বচেতসা॥
রহস্যং সর্ব্বধাত্বন্তমিন্দ্রিয়ং পরমং পদম্।
বিজ্ঞানসম্পত্তি তেষু রম্যন্তু গগনোদ্ভবং॥
সর্ব্বাত্মনি সমত্বং চ ব্যাপ্য সর্ব্বসমাগমম্।
সদাস্থিতাদ্বয়ধর্ম্ম মায়াস্বপ্নমিবাপরং॥
অথবা ষোড়শনৈরাত্মা করুণা চ বিশেষতঃ।
তদাকারমহাজ্ঞানং তত্বঞ্চ সর্ব্বতো গতং॥
উৎপত্তির্গম্যতে তত্র যোগানুযোগযোগতঃ।
লয়ঞ্চ দ্বয়সাধন্যা তথা সেবাদ্বয়াপি চ॥
যোগং বিন্দুমনাখ্যন্তু যোগন্তু সূক্ষ্মযোগকং।
যুগভেদেষু মাসাশ্চ কৃত্যং তদ্বিকলির্গতং॥
সুখং চত্বারি বক্তব্যং আনন্দন্তং দ্বিরষ্টকং।
পক্ষভেদেষু জায়ন্তে কলাভিঃ ষোড়শৈর্যুতং॥
হ্রস্বন্তু সূর্য্যচারেষু কলা ভক্ষন্তিমেব চ।
সর্ব্বস্ত্রীমায়মুদ্রেয়মদ্বয়জ্ঞানমুত্তমং॥
জায়তে তু মহাযোগী বোধিচিত্তমহাদ্যুতিং।
শূন্যতা করুণা ভিন্নং ভাবানান্তু খপুষ্পবৎ॥
জায়মানোঽপি নষ্টো সঃ স্থিতং সর্ব্বত্র ন স্থিতঃ।
স্বপ্নতো বিষয়া ভূত্বা অভূত্বা সর্ব্বমিন্দ্রিয়ং॥