সুষুপ্তে চ তু সামর্থ্যা ভক্ষয়েৎ ভুবনত্রয়ং।
তূর্য্যাজনিতকালে চ অজাগ্রাঽস্বপ্নাঽসুপ্তকং।
অতীতসুখকালেষু বুদ্ধত্বঞ্চ করে স্থিতং॥
সর্ব্বডাকিনীময়ঃ সত্বো বজ্রডাকঃ পরং সুখং।
কর্ম্মতো বিষয়ান্ সেব্য পতন্তি ত্রয়স্ত্রিংশকে॥
পুনবিদ্যাঙ্গকে গত্য তারকাদি মহৌজসে।
তস্মাদ্বুদ্ধেঽনুরাগোঽয়ং ধর্ম্মসংঘে মহর্দ্ধিকে॥
কীদৃশং ভগবান্ স্বামি সর্ব্বডাকিনীনামকং।
তন্ময়ঃ সত্বো ব্রূহি বজ্রডাকঞ্চ মে পরং॥
প্রণিপত্য ততো গুহ্যং বারাহী দিব্যযোগিনী।
ঈদৃশো বচনাঽদ্দ্বৈত্যা পৃচ্ছত্যেব মুহুর্মুহুঃ॥
ডাকিনীস্বাম্যাহ।
সূক্ষ্মাকারা ত্রয়ো নাড়ী বিজ্ঞানত্রয়হেতুকান্।
তস্মাৎ সূক্ষ্মচিদানাড্য সম্ভবন্তি মহর্দ্ধিকা॥
সপ্তত্রিংশতিযোগিন্যরেকৈকস্য তৎ সংযুতং।
সর্ব্বডাকিনী তৎ খ্যাতা অন্যা চৈব মহদ্ভুতাঃ॥
তাশ্চ সর্ব্বা যথাভূমিনামোদ্দেশমিহার্ণবে।
শষকী ক্ষীরিকা স্নিগ্ধা মধুরা সর্ব্বকামদা॥
মাতা চ ভগিনী পুত্রী ভাগিনেয়ী চ স্বসৃকা।
বান্ধবী পিতুর্ভির্ম্মাতা মাতুলস্য তু ভার্য্যকা॥
পদ্মিনী শঙ্খিনী চিত্রী দন্তিনী মদনবিহ্বলা।
রুপিণী শব্দিনী গন্ধী রসা স্পর্শশ্চ মানিনী॥
ধর্ম্মধাত্বেগতিকা চ নিদ্রালসী পরাক্রমাঃ।
জোদ্বত্যা[১] শৃঙ্গারিনীপি ভদ্রমুখী তু রৌদ্রিকা॥
পিবন্তী খাদিনী [শ্যা]মা[২] হাহারবী শ্মশাননী।
ভগবন্ প্রিয়া সমাখ্যাতা সপ্তবিংশতিযোগিনী॥
অন্যা নাম বিদা জ্ঞেয়া আদানবিধিকর্ম্মণা।
যো যস্যাভিধানঞ্চ সা নাড়ীমিহ কথ্যতে॥
তেষু সুখময়ঃ সত্ব রন্তরালী পরং শিবং।
বজ্রডাকঞ্চ ভাবেষু পরমাক্ষরযোগবান্॥
বর্ণভুজাদ্যাকারেষু সম্ভবো ভবচক্রকে।
পাতা:বৌদ্ধগান ও দোহা.djvu/২২১
এই পাতাটির মুদ্রণ সংশোধন করা হয়েছে, কিন্তু বৈধকরণ করা হয়নি।
১৩০
ডাকার্ণব
