শতৈরষ্টাদশৈঃ প্রাণৈঃ সংক্রান্তি তেভিঃ কথ্যতে।
দ্বাদশৈরহোরাত্রং স্যাৎ লগ্নদ্বাদশভিঃ ক্রমাৎ॥
লগ্নঞ্চ ত্র্যাবর্ত্তং কৃত্বা কালদূতী তু সঞ্চরেৎ।
একৈকধূতী বিজ্ঞেয়া শতার্দ্ধেন তু কালকং॥
ত্রিভিঃ পঞ্চাশভিঃ সম্যক্ অহোরাত্রেণ তু ভুঞ্জনং।
তে চ বর্ণ সমাখ্যা[তা] অকারাদ্যা তু ক্ষান্তকা॥
গুণপ্লুতয়ণাদেশৈঃ ত্রিগুণসন্নদ্ধৈঃ সহ।
তে চ দূতী সমাখ্যাতা মুদ্রণং ডাকিনী ইদং॥
খেচরী ভূচরী অন্যা পাতালেষু চ বাসিনী।
ত্রিবিধা হি তু যোগিন্যা ক্ষেত্রমন্ত্রসহজাঃ স্বয়ং॥
যো যস্যাধিবাসঞ্চ সো তস্য দৃশ্যতে স্ফুটং।
বর্ণান্তর সমাশ্রিত্য বিহরণং কামযোগজং॥
চরুঞ্চ ভোজনন্তেষু মহাপশুজ্ঞানরূপিণং।
অভক্ষং ভক্ষয়েৎ তচ্চ অলক্ষং লক্ষয়েৎ স্ফুটং॥
লক্ষালক্ষপ্রহীণে চ তৎপ্রহীণাপ্রহীণকং।
অনুগ্রহে নিগ্রহে রক্ষা চ যো যস্য স্বস্বভাবকঃ॥
বুদ্ধধর্ম্মপ্রবৃত্তিঞ্চ কুর্ব্বন্ত্যভিযুগে যুগে।
অবধূতিপ্রাণবায়ুঞ্চ স্থিরা বারাহ্যাদিযোগিনী॥
অস্থিরা প্রাণবায়ূনাং ন সিদ্ধির্জায়তে স্ফুটং।
বৈরোচনেন মুদ্রয়েৎ দেবী অক্ষোভে বজ্রধৃক্ স্বয়ং॥
ষট্ত্রিংশমন্ত্রধূতীনাং বর্ত্ততে স্বস্বকালতঃ।
সংস্থানং যথাধিপতী চ ভুজচিহ্ণং যথাক্রমাৎ॥
অথবাভিধানেষু চ অভিসময়লক্ষণাৎ।
স্রো[দ্রো]তাপন্ন স্বয়ং দেবী বোলকক্কোলযোগতঃ॥
তৎক্ষণাৎ নিখিলং পশ্যেৎ সমরসং সর্ব্বমণ্ডলম্।
আকাশান্তরিতা দেবী সঞ্চোদয়ন্তি মে প্রভুম্॥
রম রম পরম মহাসুখ বজ্জু,
প্রজ্ঞোপায়ই সিজ্জউ কজ্জু।
লোঅণ করুনা ভাবহু তুম্ম,
সঅল সুরাসুর বুদ্ধহু জিম্ম॥
