আর্য্যদেবপাদৈরপ্যুক্তং পঞ্চক্রমানুপূর্ব্বেণ বিনা নিষ্পন্নক্রমসম্বোধি[ং] সাক্ষাৎকর্ত্তুং ন প্রাপ্যতে।
দিটকরীত্যাদি। অনেনোপাশকসম্বরাদ্যনুপূর্ব্বা যথা পরিপাট্যাভিষিক্তো যোগিবরঃ সময়সঙ্কেতদ্রব্যাপহারেণ সদ্গুরুমারাধ্যার্দ্ধরাত্রৌ প্রজ্ঞাজ্ঞানাভিষেক[ং] লব্ধ্বা দৃঢ়ং যথা ভবতি। তথা মহাসুখং চতুর্থানন্দ[ং] ত্বং পরিমাণয়।
ভণই লুই ইত্যাদি। তস্মিন্ কুলিশারবিন্দসংযোগাক্ষরসুখোপায়ং (সুখোয়) শ্রীগুরূন্ পৃষ্ট্বা বিরমানন্দে ব্যাপ্যব্যাপকতয়া সর্ব্বধর্ম্মা[৩]নুপলম্ভরূপং সহজানন্দমহাসুখং অহর্নিশং জানীহি।
তথাচ শ্রীসমাজে—
ন বিনা বজ্রগুরুণা সর্ব্বক্লেশপ্রহাণকং।
নির্ব্বাণঞ্চ পদং শান্ত[১]মবৈবর্ত্তিকমাপ্নুয়াৎ॥
তথাচ নাগার্জ্জুনপাদৈঃ বজ্রজাপে চোক্তং—
গিরীন্দ্রমূর্দ্ধ্নঃ প্রপতেত্তু কশ্চিৎ
নেচ্ছেচ্চ্যুতিং হি চ্যবতে[২] তথাপি।
গুরুপ্রসাদাপ্তহিতোপদেশঃ
ইচ্ছেন্ন মোক্ষঞ্চ তথাপি মুক্তঃ॥
সরহপাদৈরপ্যুক্তং প্রবন্ধে—
যা সা সংসারচক্রং বিরচয়তি মনঃসন্নিযোগাত্মহেতোঃ
সা ধীর্যস্য[াঃ] প্রসাদা[৩]দ্দিশতি নিজভুবং স্বামিনো নিষ্প্রপঞ্চ[ং]।
তচ্চ প্রত্যাত্মবেদ্যং সমুদয়তি সুখং কল্পনাজা(ম)লমুক্তং
কুর্য্যাৎ তস্যাংহ্রিযুগ্মং শিরসি সবিনয়ং সদ্গুরোঃ সর্ব্বকালং॥
শ্রীহেবজ্রেঽপি—
আত্মনা জ্ঞায়তে পুণ্যাৎ গুরুপর্ব্বোপসেবয়া।
পদান্তরেণ মহারাগনয়সমাধ্যুদ্দীপয়ন্ন[৪]নুশংসামা[৫]হ।
সঅল সমাহীত্যাদি। ভগবতৈব নয়ভেদেনানংতাপর্য্যন্তাঃ সমাধয়ো দশাকুশলপরিহারায় ইন্দ্রিয়নিরোধায় নির্দ্দিষ্টাঃ। তৈ[৩ক]রত্র সমাধিভিঃ মহারাগনয়ে সুখরহিতত্বাৎ দুষ্করপোষধাদিনিয়মৈশ্চ কিঞ্চিন্ন[৬] ক্রিয়তে॥
