سOb বঙ্গ-সাহিত্য-পরিচয়। ওরূপ খুইল গোদা-যম একতর করিয়া। ধুগড়ির রূপ হইল মুরত বদলাইয়া। পাতালক লাগিয়া গেল চলিয়া। পাতালক যাইয়া মোচড়ায় যম দাড়ি। এখন কি চিনিবে মোক ময়নামতী শালী ৷ ধেয়ানে ময়নামতী ধেয়ান কৈরে চায়। ধেয়ানের মধ্যে ময়না ধুগড়ির লাগাল পায়। ওরূপ খুইল ময়না একতর করিয়া। তৈলঙ্গারূপ (১) হইল ময়না মুরত বদলাইয়া॥ পাতাল ভুবনত লাগিয়া গেল চলিয়। ঐটে যায়া গোদা-যমক ধরিল ঠাসিয়॥ ক্ষেণেক ক্ষেণেক করিয়া যমক উঠাইল টানিয়া॥ ওরূপ থুইল ময়না একতর করিয়া। আপনার রূপ হইল মুরত বদলাইয়া॥ উপর কৈরে ফেলেয়া যমকে কিলিবার লাগিল। কিলাইতে কিলাইতে হাত হাপসাইল। চিতর (২) করিয়া ফেলাইয়া যমক নেদাবার (৩) লাগিল॥ ঐত গোদা-যম আটিয়া বজ্জর। ঘড়ানী কৈতর (৪) হইয়ে স্বর্গে উড়ে গেল। শিকিরা(৫) বাজ হৈল ময়না মুরত বদলাইয়া। আকাশ হইতে গোদা-যমক ফেলাইল টানিয়া॥ ঐটা হইতে গোদা-যম দিশা হার হইয়া। - সলেয়ার রূপ হইল মুরত বদলাইয়া। কঠিয়া (৬) তেলির বাড়ীক লাগিয়া গেল চলিয়া। কঠিয়া তেলির মাচাত থাকিল বসিয়া॥ ধেয়ানে ময়নামতী ধেয়ান কৈরে চায়। ধেয়ানের মধ্যে সলেয়ার লাগাল পায়॥ ওরূপ খুইল ময়না একতর করিয়া। বিলাই রূপ হইল ময়ন মুরত বদলাইয়া। (১) আরম্ভলা। (২) চিৎ। (৩) পদাঘাত করিতে। (৪) কবুতর =পায়রা। (৫) শিকারী। (৬) কঠিয়া =কষ্টিয়া =কণ্ঠে যে মালা ধারণ করে।
