আজি কালি করিয়া ত্রিশ দিন পুরিল॥
ত্রিশ দিন অন্তরে রাজার ক্রিয়া সুদু হৈল।
জত মোনে জ্ঞাস্তা ভোজন করাইল॥৬৬৫
ক্রিয়া সুদু করিয়া মএনার হরসিত মন।
রাজ্য করি খায় মএনা আপনার মহল॥
আজি আজি কালি কালি ছয় মাস হৈল।
ছয় মাস অন্তরে রাজার নাম কলম রাখিল॥
মএনার গুরু শিব গোরেকনাথক আন্লে ডাক দিয়া।৬৭০
গোপিচন্দ্র নাম থুইল পাটত বসিয়া॥
বছরেকের ছেলে আমি রাজাই করাব।
গুরুর পাঠালয়ে মহারাজাক সম্বলব করিব॥
বিদ্দা পড়িয়া রাজার হরসিত মন।
আপনার মহলক নাগি করিল গমন॥৬৭৫
আজি আজি কালি কালি করিয়া দস দিন হইল।
দস দিন পরে রাজা এ দসা করিল॥
ত্রিস দিনে রাজা ত্রিসা করিল, সংকীর্ত্তন করিবার লাগিল।
জ্ঞাস্তা সকল আসিয়া যজ্ঞ করিল॥
যত জ্ঞাতি সকলক ভোজন করাইল।
তদ ঘড়ি ময়নামতি মৎস পরস করিল॥
অতঃপর—
আজি আজি কালি কালি করিয়া এক বৎসর হইল।
এক বৎসর বাদে এক দিন আসিল॥
আজি কালি করিয়া পাঁচ বৎসর হইল।
গুরুর নিকটে পড়িবার দিল॥
চারি কলমে রাজাক লিখা সিখাইল।
আজি কালী করিয়া সাত বৎসর হইল।
নাম রাজার তখনই রাখিল।
মানিকচন্দ্র রাজার বেটা গোপিচন্দ্র থুইল॥
তাহার ছোট ভাইয়ের নাম খেতুয়া লঙ্কেশ্বর॥
