পাতা:গোপীচন্দ্রের গান.pdf/২৩

জন্মখণ্ড

১৩

চাইট্টা মোমের বাতি দিলে ধরাইয়া।
দিবা রাতি ঘর রাখিলে জালাইয়া॥
চাইর কলসী জল থুইলে বিরসে ভরিয়া। ১২০
জেই রোগের জেই দাওআ আনিলে ধরিয়া॥
দাওআ প্রকার থুইলে বিস্তর করিয়া।
রাজার পইথানত বসিল ধেয়ান করিয়া॥
ধেয়ানে মএনামতি ধেয়ান করি চায়।
ধেয়ানের মধ্যে মএনা জমের নাগাল পায়॥ ১২৫
এত দিনে না আসিস বেটা দরবারক নাগিয়া।
আইজ ক্যানে আমার সোয়ামির সিতানে বসছিস্ ভিড়িয়া॥
জন বলে শুনেক মএনা হামি বলি তোরে।
তোর সোয়ামির তলপ চিঠি আনছি বান্দিয়া॥ ১৩০
আইজ তোর সোয়ামির জিউ নিগাব বান্দিয়।॥
জখন গোদা জম একথা বলিল।
করুনা করিয়া মএনা কান্দিতে নাগিল।
আপনার টাঙ্গন জমকে আনি দিল॥
জাও জাও জম বেটা মোর টাঙ্গন ধরিয়া।
আমার সোয়ামির জিউ জা আমার ঠে থৈরত করিয়া॥১৩৫
ও দিনে গ্যাল যম টাঙ্গন ধরিয়া।
ফের দিনে আসে জম দুই ভাই সাজিয়া।
সিতানে পৈতানে রাজার বসিল ভিড়িয়া॥
আইজ মএনার প্যাংটা থুমু এক দিক করিয়া।
তলপ চিঠি আনছি রাজার জিউ নিগাব বান্দিয়॥। ১৪০
ধিয়ানের বুড়ি মত্রনা ধিয়ান করিল।
সিতানে পৈতানে দুই জন জমক দেখিল॥
কালি টাঙ্গন দিয়া দিলু গোদা জমক বিদায় করিয়া!
আইজ আরো আইছে বেটা দুই ভাই সাজিয়া॥
কান্দি কাটি বুড়ি মএনা জমের কাছে গ্যাল। ১৪৫