হাড়ি সিদ্দা বলে বিধি কন্মের বোঝঁ ফল।
তেমনিয়া হাড়ি সিদ্দা এই নাওঁ পাড়াব।১২২৫
ক্যামন হিরা নটি ভাগ্যবান নয়নে দেখিব॥
বাম হস্ত দিয়া সিদ্দা ডা’ন হাত ধরিল।
হিরা নটির মহলক নাগি পন্থ ম্যালা দিল॥
হিরা নটির দারেতে জাএয়া সিদ্দা খাড়া হৈল।
নকরি দেখিয়া হাড়ি নাগরা বাজাবার চায়।১২৩০
হাউক দাউক করিয়া রাজা দোআই ফিরায়॥
এক ডাং মারেন জদি নাগরাএ তুলিয়া।
এক হাজার টাকা নিবে নটি দরজাএ গনিয়া॥
কোঠে হতে টাকা দিম রাজ দুলালিয়া॥
হাড়ি বলে হারে জাদু রাজ দুলালিয়া।১২৩৫
ভাল ভাল নাগরা থুইছে দরজাএ তুলিয়া।
নাগরা বাদ্য করি শুন রাজ দুলালিয়া।
এক ডাং মা’ল্লে হাড়ি নাগরাএ তুলিয়া।
দুম দুম করিয়া পুরিটা উঠিলে কাপিয়া॥
নটি বলে হারে ভাড়ুয়া কার প্রানে চাও।১২৪০
ভৈচাল জাইছে আ’জ হরি হরি কও॥[১]
- ↑ পাঠাত্তর:—
নকরি খসেয়া দাম্মাত ডাং বসাইল।
সোনার ঝাড়ির মুখোত গামছা বান্দি ফিকাইল॥
হিরা জিরা দুই বো’ন চম্কিয়া উঠিল॥
হালুয়া বলে কথা গড্ডিয়া বচন।
আগে খাও রতিথ বেটা পিছে ঘুম জাও।
সারা কালে খাও ভিক্খা করিয়া।
হিরা নটির বাড়ি তুই না পা’স দেখিয়া॥
জখন হালুয়া ব্যানামুখ্খ হইল।
সোনার ভোমরা করি রাজাক ঝোলঙ্গাএ ভরিল॥
