অথ রজ্জৌ(জো) সর্পাভিজ্ঞানং কৃত্বা সংত্রাসিতো যঃ। সোঽপি তেন রজ্জু(রাজ্জ)সর্পেণ কিং সত্যেন খাদিতঃ।
ধ্রুবপদেন মার্গস্যানুশংসামাহ—
অকটেত্যাদি। আকটাশ্চর্য্যং ভো বালযোগিন্ অত্র হস্তামর্ষং মা কুরু। ঈদৃশস্বভাবেন যদি জগৎস্বরূপাবগমং করোষি তদা অনাদিভববিকল্পবাসনাদোষসংগ্রহং পলায়তে তব।
দ্বিতীয়পদেন তমেবার্থং সংবৃত্তিদৃষ্টান্তেন স্পষ্টয়তি—
মরুমরীচীত্যাদি। মৃগতৃষ্ণাগন্ধর্ব্বনগরদর্শনাদি প্রতিভাসমাত্রং ভাবস্য যোগিবরেণ[৫৯ক] দৃশ্যতে।
তথা চাগমঃ—
যথা মায়া যথা স্বপ্নং[১] তথাস্মি হ্যন্তরাভবমিত্যাদি॥
এতৎ সর্ব্ববিদ্যাবাসনাদোষেণ মিথ্যা বালৈর্বিকল্প্যতে। যথা বাতাবর্ত্তেন নীরমপি প্রস্তরং ভূতং তদ্বৎ ভাবগ্রামো যোগীন্দ্রেণ বোদ্ধব্যঃ।
তথা চাগমঃ—
শূন্যতৈব ভবেদ্ভাবো বাসনাবাসিতা সতী।
বাতাবর্ত্তে[২] দৃঢ়ীভূতা আপ এব ঘনোপলাঃ॥
তৃতীয়পদেনাত্যন্তাভাবং সূচয়তি—
বান্ধীত্যাদি[৩]। বংধ্যা ভাগবতী নৈরাত্মা তস্যাঃ সুতঃ পরমার্থসত্যং বালুকাতৈলোপমং শশশৃ(সৃ)ঙ্গোপমংচ। এতেনানুৎপন্নস্বভাবো হি তস্য সূ(শূ)চিতঃ। স এব উৎপন্নো হি পরমার্থসত্য[ং] মহাসুখপঞ্চজ্ঞানাত্মকঃ জগতি নানাপ্রকারেণ ক্রীড়ারসমনুভবতীতি।
তথাচ সূতকে—
পঞ্চবুদ্ধ্যাত্মকসর্ব্বজগোয়মিত্যাদি।
চতুর্থপদেন ভাবপরিশুদ্ধিমাহ—
ভুসুকু ইত্যাদি। ভুসুকুপাদো হি বদতি ভাব[া]নামেষ রূপো হি ময়া কথিতঃ। ভো বালযোগিন্ যদি [৬০] তব ভ্রান্তিরত্রাস্তি তদা সদ্গুরুচরণারাধনং কুরু॥ ৪১॥
