সরোজ-বজ্রের বাঙ্গালা
দোহাকোষ
অদ্বয়-বজ্রের সংস্কৃত টীকা সহ
নমঃ শ্রীবজ্রসত্ত্বায়।
নমস্কৃত্য জগন্নাথান্ গুরূন্ সততমাদরাৎ।
লিখ্যতে দোহকোষস্য সহজাম্নায়পঞ্জিকা॥
সরোজবজ্রপাদৈশ্চ কৃতং তদাগমানুগং।
ন কিঞ্চাপূর্ব্বমুদ্দিষ্টং ভগবৎকথিতং[১] পুরা॥
ষড়্দর্শনেষু যত্তত্ত্বং ন জানন্তি তদাশ্রিতাঃ।
জাতিবাদাদিমাশ্রিত্য ব্রাহ্মণাদিনিরর্থকাঃ॥
ভ্রমন্তি ষড়্গতৌ ভ্রষ্টা মোক্ষা মোক্ষাত্মগর্হিতাঃ[২]।
প্রত্যক্ষঞ্চানুমানঞ্চ প্রমাণদ্বয়বাহ্যকাঃ॥
সম্যগ্মার্গবিরহাচ্চৈব[৩] পাপমিত্রেষু সঙ্গতাঃ।
তস্মাদ্গুর্ব্বারাধনং যৎ ক্রিয়তে সাধুভিঃ সদা॥
তস্য তুষ্ট্যা ভবেন্মুক্তিরিহ লোকে পরত্র চ।
দদাতি সর্ব্বসদ্ভাবং তথাগতোক্তমাদরাৎ॥
অত্র তাবৎ ষড়্দর্শনানি উচ্যন্তে। ব্রহ্ম-ঈশ্বর-অর্হন্ত-বৌদ্ধ-লোকায়ত-সাংখ্যাঃ। এতেষাং ক্রমব্যতিক্রমেণ গ্রন্থকার[৪] আহ।
বহ্মণেহিমিত্যাদিনা(ণা)—জাণিঅ তুল্লেমিতি পর্য্যন্ত[ং]।
ব্রাহ্মণস্য নিরাসার্থমুচ্যতে। তত্র
বহ্মণেহি ন জাণন্ত হি ভেড়ু ইতি। ব্রাহ্মণা ন জানন্তি ভেদং প্রভেদঞ্চেতি[৫]।
তৎ কথং ভেদস্য ভেদ উচ্যতে।[৬]
