মন্ত্রজাপঞ্চ কুর্বীত অক্ষরজ্বালমক্ষরৈঃ।
চণ্ডালী ভাবয়েৎ প্রাণং জ্বলিতাদি চার্দ্ধমক্ষরৈঃ॥
দহত্যূর্দ্ধমুখা নাড়ী তথাগতান্ জ্ঞানডাকজং।
ডাকিন্যাদিসমস্তন্তু দহতি জ্ঞানরশ্মিকাং॥
বিজ্ঞানং লীনতাং যান্তি দগ্ধা স্রবতে হংসশীং।
ইত্যাহ ভগবান্ স্বামী বজ্রডাকস্তথাগতঃ।
সর্ব্ববীরসমাযোগাৎ বজ্রসত্ত্বঃ পরং সুখং॥
ইতি শ্রীডাকার্ণবে মহাযোগিনীতন্ত্ররাজ্যে বজ্রবারাহ্যুৎপত্তি-
নায়কী চ যন্ত্রচক্রমণ্ডলভাবনাদিস্বভাবপটলঃ দ্বিতীয়ঃ॥
অথাতঃ সম্প্রবক্ষ্যামি ডাকিনীনাং যথোদয়ং।
ডাকিনীযোগমাশ্রিত্য ভগবান্ ক্রীড়নং পরম্॥
বারাহ্যানন্তরূপঞ্চ স্ফারিতো জালসম্বরং।
কায়ভাবস্য ভেদঞ্চ ডাক্যিানন্তরূপকং॥
কায়িকং সুখমাশ্রিত্য ত্রিবিধং জায়তেচ্ছয়াৎ।
ত্রয়ানন্দঃ ত্রিনাড়ী চ চতুর্থং সহজেষ্যতে॥
তন্ময়ঃ স্ফুরণম্বিশ্বং বুদ্ধকায়মহারসং।
মণ্ডলচক্রস্বভাবঞ্চ ডাকিনীপদমাশ্রয়াৎ॥
মহাজম্বূদ্বীপে ভূম্যাং খণ্ডো দ্বাদশমধ্যকে।
পূর্ব্ববিদেহে (বীদেশে) স্থিতা দেবী রোহিতা লগ্নমকরকে॥
উৎপত্তিঃ পুষ্যাদিত্যেচ নাড়িকাপ্রাণবাহকে।
বাহ্যাধ্যাত্মকে দেবী স্থিতা ভগবদ্রূপিণী॥
চতুর্ভুজা কৃষ্ণবর্ণা তু ত্রিনেত্রা একবক্ত্রিকা।
দংষ্ট্রারৌদ্রকরালী চ পঞ্চমুদ্রাভিধারণীং॥
শবারূঢ়া মুক্তকেশা প্রত্যালীঢ়পদান্বিতা।
কপালমালিনী ঘোরা দক্ষিণে ডমরুকর্ত্তিকা॥
বা[মে] কপালখট্টাঙ্গং স্ফুরৎসংহারবিগ্রহী।
মধ্যমণ্ডলে স্থাপ্যা তু সপ্তত্রিংশেষু চাত্মকে॥
দ্বাবিংশাক্ষরং হৃদয়ং ডাকিন্যা সহসম্পূটং।
ওঁ শ্রী ওঁ ব বজ্র হেড়া হেকি রুণী রূপে কং হুং ডা হুংকি ফনীট
জাট্ লট্ সং স্বা ভহার হূং হূং ফট স্বাহা॥
