হাজার বছরের পুরাণ বাঙ্গালা ভাষায় বৌদ্ধগান ও দোহা (১৯১৬)/চর্য্যাচর্য্য-বিনিশ্চয়/১৭
১৭
রাগ পটমঞ্জরী
বীণাপাদানাম্। সুজ লাউ সসি লাগেলি তান্তী
অণহা দাণ্ডী বাকি কিঅত অবধূতী॥ ধ্রু ॥
বাজই অলো সহি হেরুঅবীণা
সুন তান্তি ধনি বিলসই রুণা॥ ধ্রু ॥
আলি কালি বেণি সারি সুণেআ
গঅবর সমরস সান্ধি গুণিআ॥ ধ্রু ॥
জবে করহা করহক লেপি চিউ
বতিশ তান্তি ধনি সএল বিআপিউ॥ ধ্রু ॥
নাচন্তি বাজিল গান্তি দেবী
বুদ্ধ নাটক বিসমা হোই॥ ধ্রু ॥
তবেমার্থং হেরুকার্থাবগমেন বীণাপাদাঃ। বীণাশব্দদ্বারেণ প্রতিপাদয়ন্তি—
সুজেত্যাদি। [২৭]সূর্য্যাভাষং তুংবিনাকারমুৎপ্রেক্ষ্য চন্দ্রাভাসেন তন্ত্রিকাঞ্চ। বিষয়চক্রী অবধূতিকয়া সহ একীকৃত্য। অনাহতদণ্ডিকায়াং লগাবয়িত্বা ভো সখি নৈরাত্মে বীণাপাদা বীণদ্বারেণ শ্রীহেরুকেত্যক্ষরচতুষ্টয়ার্থমনাহতং ঘোষয়ন্তি। অতএব শূন্যতাধ্বনীতি। সন্ধ্যাভাষয়া প্রভাস্বরমনাহতরূপং স এব ভবে বিলসতি ন ভববন্ধো ভবতি।
তথাচ শ্রীহেবজ্রে—
বধ্যং[১]তে ভাববন্ধেত্যাদি।
তথাচ [চ]র্য্যান্তরং—
ভব ভুঞ্জই ন বাস্সইরে অপূব বিনাশা।
জেব বিলোঅর বান্ধন বিজোইর মেলাণা॥
দ্বিতীয়পদেন তমেবার্থং দ্রঢ়য়ন্তি—
আলীত্যাদি। আলিকালিবর্ণাক্ষরাণাং মধ্যে সারাক্ষরমকারং।
তথাচ নামসংগীত্যাং—
অকারঃ সর্ব্ববর্ণাগ্রো ইতি।
তমক্ষরস্বরূপং প্রতীত্য তেনাগ্রহবরস্য চিত্তরাজস্য সন্ধির্দোষচ্ছিদ্রগুণিত্বাৎ। ত এব পাদা[ঃ], তমেবার্থং শব্দদ্বারেণ প্রতিপাদয়ন্তি।
তথা চাগমঃ। স্থূলং শব্দময়ং প্রাহুঃ সূক্ষ্মং চি[২৭ক]ন্তাময়ং তথা।
তথা চাগমঃ। চিন্তয়াচিন্তয়া রহিতং যত্তদ্যোগিনাং পদমব্যয়ম্॥
তৃতীয়পদেন ভাবস্বরূপমাহ—
জবেমিত্যাদি। করহমিতি চিন্তয়া চিত্তৌষ্ণ্যং[২] বোদ্ধব্যং। করহকলমিতি করুণাবহত ফলং প্রভাস্বরং বোদ্ধব্যং। যস্মিন্বিলক্ষণসময়ে তঞ্চিত্তৌষ্ণ্যং তেন প্রভাস্বররাহুকেণ চাপিতং। আক্রামিতং। তস্মিন্ সময়ে দ্বাত্রিংশন্নাড়ীদেবতাবিগ্রহস্য। ধ্বনিনেতি। অনাহতনৈরাত্মজ্ঞানেন প্রজ্ঞোপায়াত্মকং ভাবাভাবব্যাপিতমিতি।
তথাচ সরহপাদাঃ। এতা এব হীত্যাদি—
চতুর্থপদেন ফলপ্রাপ্তিত্বাদানন্দেন বজ্রপদনৃত্যং করোতীতি—
নাচন্তীত্যাদি। বীণাপাদা বজ্রধরপদেন নৃত্যং কুর্ব্বন্তি। তেষাং দেবী যোগিনী নৈরাত্মাদিকাশ্চ গীতিকয়া[৩] সঙ্গায়নমঙ্গলং কুর্ব্বন্তি। অতএব বুদ্ধনাটকং বিশিষ্টাধিমাত্রং সত্ত্বানাং সমং নির্ব্বাণং ভবতীতি।
তথাচ দ্বিকল্পে—
যদ্যানন্দং সমুৎপন্নং নৃত্যতে মোক্ষহেতুনা। ইত্যাদি [২৮]। ১৭ ॥