পাতা:গোপীচন্দ্রের গান.pdf/১৬৭

নাপিত খণ্ড

১৫৭

খোসা খাএয়া নাপিত আছে ভুঞিঘরার ভিতর॥
জ্যান কালে ধর্ম্মি রাজা একথা শুনিল।৯০
ঝাড়ির মুখের গামছা দিয়া ঠাকুরক ভিড়িয়া বান্ধিল॥
পালঙ্গের খুড়াএ ঠাকুরক আখেক বান্ধিয়া।
খেতুআক তরে কথা দ্যাএছে বলিয়া॥
কিবা কর ভাই খেতুআ নিছন্তে বসিয়া।
পাগলা হস্তি নেরে খেতু সাজন করিয়া॥৯৫
একখান কোদাল দে হস্তির শুড়তে বান্ধিয়া॥
নাপিতের বাড়িবনটা আইসেক খুড়িয়া।
ক্যামন গননা গ’নলে ঠাকুর ন্যাও পরিক্‌খা করিয়া॥
রাজার বাক্য খেতুআ ব্রথা না করিল।
পাগলিা হস্তিক খেতুআ সাজাইতে নাগিল॥১০০
মদ ভাং খোআইলেক হস্তিক বিস্তর করিয়া।
একখান কোদাল দিলে হস্তির শুড়তে বান্ধিয়া॥
নাপিতের মহলক নাগি জাএছে চলিয়া॥
নাপিতের বাড়িবন্দে জাএয়া হাতি চ্যাঁচাইল।
ভুঞিঘরাত থাকিয়া নাপিত কান্দিতে নাগিল॥১০৫
হাত ধরোঁ নাউআনি পাও ধরোঁ তোক।
তোমার ধন্মের দোহাই নাগে মোর প্রান অক্‌খা কর॥
নাপিতের কান্দন দেখি নাউআনির দয়া হৈল।
হাউক দাউক করিয়া নাউআনি হস্ত আনি দিল॥
ভুঞিঘরাত হতে নাউআক তুলিল টান দিয়া।১১০
পাচ হাতিয়া ধুতি নিলে পরিধান করিয়া॥
বাপকালিয়া খুর নিল জোর শান দিয়া।
খুষের তোরপা নিলে নাপিত বগলে করিয়া।I
পাচ দুআর দিয়া নাপিত ব্যারাইল জুরকুটু মারিয়া॥
খেতুআ বলে শোন নাপিত বচন মোর হিয়া।১১৫
হস্তির আগে আগে তুমি জাও আরো চলিয়া॥