ধিয়ানের বুড়ি মত্রনা ধিয়ান করিল।৪০৫
ধিয়ানতে বুড়ি মএনা এন্দুরের লাগ্য পাইল॥
মহামন্ত্র গিয়ান নিল বুড়ি মএনা রিদএ জপিয়া।
লৈক্ক গোণ্ডা বার বিলই হৈল কায়া বদলিয়া॥
ধেয়ানে ময়নামতি ধেয়ান কৈরে চায়।
ধেয়ানের মধ্যে ময়না ঘুগড়ির লাগাল পায়॥
ও রূপ থুইল ময়না একতর করিয়া।
তেলঙ্গা রূপ হইল ময়না মুরুত বদলাইয়া।
পাতাল ভুবনত নাগিয়া গেল চলিয়া॥
ঐটে যায়া গোদা যমক ধরিল ঠাঁসিয়া।
ক্ষেনেক ক্ষেনেক করিয়া যমক উঠাইল টানিয়া॥
ও রূপ থুইল ময়না একতর করিয়া।
আপনার রূপ হইল মুরুত বদলাইয়া॥
উপর কৈরে ফেলেয়া ফাক কিলিবার লাগিল।
কিলাইতে কিলাইতে হাত হাপসাইল॥
চিতর করিয়া ফেলাইয়া যমক নেদাবার লাগিল॥
ঐত গোদা যম আঁটিয়া বজ্জর।
ঘড়ানী কৈতর হইয়ে সর্গে উড়ে গেল॥
সিকিরা বাজ হইল ময়না মুরত বদলাইয়া।
আকাস হইতে গোদা যমক ফেলাইল টালিয়া॥
ঐটা হইতে গোদা যম দিসা হারা হইয়া।
সলেয়ার রূপ হইল মুরত বদলাইয়া॥
কঠিয়া তেলীর বাড়ীক নাগিয়া গেল চলিয়া।
কঠিয়া তেলীর মাচাত থাকিল বসিয়া॥
ধেয়ানে নয়নামতী ধেয়ান কৈরে চায়।
ধেয়ানের মধ্যে সলেয়ার নাগাল পায়॥
ও রূপ থুইল ময়না একতর করিয়া।
বিলাই রূপ হইল নয়না মুরত বদলাইয়া॥
এক বিলাইর বদলী বিয়াল্লিস বিলাই হইয়া।
কঠিয়া তেলীর ঘর লইল ঘেড়িয়া॥
