পীঠোপীঠাদি হ্যত্র পুল্লীরাদি তু মধ্যকে॥
যো যস্য দেবতাপত্যং সো তস্য তস্য মুদ্রণং।
ত্বয়া ময়া ক্রীড়মানা তু সর্ব্বসৌখ্যসমন্বিতে॥
অসৌ স্বয়ম্ভূ ভগবান্ এক একাধিদৈবতঃ।
ইত্যাহ ভগবান্ বজ্রী ডাকিনীনাং সুখন্দদঃ॥
অনাদিনিধনং ব্যোমং যাদৃশং পরসংজ্ঞকে।
তাদৃশন্তু অহং বিদ্যা নিরাভাশঞ্চ সংস্ফুটং॥
সম্ভবো নচ তত্রাস্তি ব্যবহারং লোকো পরং।
ব্যোমোদ্ভূতং তথা দগ্ধি তথা দগ্ধীহমুদ্ভবং॥
একো ভাব রসাস্বাদ বহুভাব তদান্তরং।
একানেকাভিভাবোঽসৌ রসং সর্ব্বরসং বিভূঃ॥
দূতীনামধিপত্তেষু ভুঞ্জীৎ ত্রিভুবনং পরং।
প্রজ্ঞোপায়মহাকরুণারান্যা দেবতমল্পকং॥
ন রাগো ন বিরাগশ্চ মধ্যমো নোপলভ্যতে।
এবং জ্ঞাত্বা সদা যোগী বিহরেৎ সর্ব্বকামিকম্॥
অন্তরায়ং সদা ভূত্বা বর্ণানাং মুখতোদ্ভবম্।
কায়িকং চ সদাদানং বর্জ্জয়েৎ চিত্তসোদ্ভবম্॥
এবং রাগস্য হেত্বন্তং ক্রীড়নং পরমং পদম্।
বিরাগো ত্রয়মানন্দঃ বর্জ্জনং মধ্যমাক্ষরম্॥
ইহ ণ ভাব সভাব ণ রগ্গ, বিরগ্গ স ণঠই ওবণ রজ্জ।
মজ্জঠিও অওধম্মু ণ রজ্জহু। রজ্জহু বজবিণিধম্মু পমেজু॥ ০ ॥
দেবতাকারযোগাত্মা সদ্যঃ প্রত্যয়কারকম্।
নিষিক্তাদিষু যোগেন জায়তে বিকৃতাকৃতিং॥
শূন্যবিম্বময়ো যোগো স্বাধিষ্ঠানস্য লক্ষণং।
স্বাধিষ্ঠানাদৃতে যোগং জ্ঞায়তে তু [চ] শূন্যবৎ[১]॥
অজ্ঞানপশুজন্তুনাং লক্ষণমীদৃশং পরং।
তস্মাৎ মায়ামিমাং ভাব্য লভ্যতে বোধিমুত্তমাং॥
জন্মে ইহৈব জানত্বং বিজ্ঞঞ্চ কবিপুঙ্গবং।
ঈদৃশং গুণগুণ্যাঢ্যং স্বপ্নতুল্যঞ্চ পশ্যতঃ॥
- ↑ পসুর্ণুবৎ।
