হাজার বছরের পুরাণ বাঙ্গালা ভাষায় বৌদ্ধগান ও দোহা (১৯৫১)/কৃষ্ণাচার্য্যের দোহাকোষ
কৃষ্ণাচার্য্যপাদের দোহাকোষ
বাঙ্গালা ও তাহার সংস্কৃত টীকা মেখলা
ওঁ নমো বজ্রধরায়।
লোঅহ গব্ব সমুব্বহই হউ পরমথে পবিন।
কোটিহ মাহ এক জত হোই নিরংজনলীণ॥ ১ ॥
অস্যায়মর্থঃ। লোকো গর্ব্বং সমুদ্বহতি। কোসৌ(শৌ)গর্ব্বোঽহং পরমার্থপ্রবীণ (প্রবিণ) ইতি এতচ্চ যাবৎসংভবন্তু যুজ্যতে। ততো যোগি(জোগী)কোটীনাং মধ্যে একোঽপি যদি ভবতি নিরঞ্জনলীন ইতি। নির্গতা[নি] অঞ্জনানি রাগদ্বেষাদিক্লেশা অস্মিন্নিতি নিরঞ্জনঃ সহজকায়ঃ তত্র লানো নিমগ্নমনা যোগীন্দ্রঃ সচ মাদৃশ ইতি ভাবঃ॥১॥
আগমবেঅপুরাণে পংড়িত্ত মান বহংতি।
পক্ক সিরিফল অলিঅ জিম বাহেরিত ভুময়ন্তি॥ ২॥
অয়মর্থঃ। বাহ্যাগমাদিজ্ঞানেন পরমার্থসত্যাভিমানং পণ্ডিতা বহন্তি। এবম্ভূতাঃ সন্তঃ কস্মিন্ কিং কুর্ব্বন্তীত্যাহ, পক্বশ্রীফলেষ্বলয়ো ভ্রমরা জিমু যথা বাহ্যে[ন] গন্ধানুমোদেন ভ্রমন্তি, তথা আগমাদিজ্ঞানেন বাহ্যেন যাথার্থ্যৎ প্রতি রুদ্ধদৃষ্টিত্বাৎ (যাথার্থ প্রতি ভরণ দৃষ্টিত্বাৎ) গভী(ভি)রতত্ত্বামৃতরসং ন চিন্ত[য়]ন্তি [ই]ত্যর্থঃ। তথাচোক্তং চতুরদেবীপরিপৃচ্ছামহাযোগতন্ত্রে।
চতুরশীতিসাহস্রে ধর্ম্মস্কন্ধে মহামুনে।
তত্ত্বং বৈ যে ন জানন্তি সর্ব্বে তে নিষ্ফলায় বৈ॥ ২ ॥
এতৎসাধনমাহ।
বোহিচিঅ রজভূষিঅঅ ফুজ্ঞোহ্লেসি হুউ।
পোক্খরবিয় সহাবসুহ নিঅ দেহহি দিধউ॥ ৩ ॥
অয়মর্থঃ। বোধিচিত্তং সাম্বৃতস্পন্দরূপং শুক্রং রজোভূষিতং অপতিতবোধিচিত্তমিতিভাবঃ তৎ চিত্তবজ্রেণাশ্লিষ্টং। কিংভূতচিত্তবজ্রমিত্যাহ। পোক্ষরো বক্ষ্যমাণপদ্মবৃক্ষঃ অস্য বীজং সুখস্বভাবেন স্থিতং (সুখা শোভাবেনষ্টিতং) শুদ্ধং তং দেবং চিত্তবজ্রং কুত্র দৃষ্টমিত্যাহ। নিজশব্দেন জ্ঞানাধিষ্ঠিতো(ষ্টতো) নিজদেহঃ স এব সরোবরসূত্রদৃষ্টমবগতং। এতদেব স্পষ্টয়ন্নাহ॥ ৩॥
গঅন মীর অমিআহ পঙ্ক কিঅ মূল বিজ্জ ভাবিআ অবধূই।
কিঅ মূলণাল হংকারবি জা[অ]ই॥ ৪॥
অয়মর্থঃ। মহাসুখরূপত্বাৎ গগনং নী(নি)রং অমিতাভো বোধিচিত্তানন্দদেবং পঙ্কং কৃত্বা মূলং নালং প্রধানকারণং ভাবিতম্। তদেব বোধিচিত্তং তেন নালপত্র[ষ]ণ্ডাদিক্রমেণ নিষ্পাদয়ন্ তদর্থমাহ। অবহেলয়া অনাভোগেন(ণ) ক্লেশাদিপাপান্ ধুনোতি ইত্যবধুতী। অবধুত্যবকৃতং মূলং প্রধাননালং যেন সা অবধুতী কৃতো মূলনা[ল]হেতুরিতি শব্দাক্ষরম্ (যবতাক্ষরম্) হংকারোপি বক্ষ্যমানেন মকরন্দাকারেণ অনাহতং বজ্র[া]নংগাক্ষররূপো বজ্রধরো জাত ইত্যর্থঃ॥ ৪॥
ননু অবধূতীবোন্মূলীকৃতা(বেল্মূলীকৃতা)নি ষণ্ডমৃণালপত্র[া]ণি কানী(ণি)ত্যাহ।
ললনারসনা রবিশশি(ববিশ) তুড়িআ(অ) বেন বি পাসে।
[চউ]পত্তর চউক্কম চউমৃণাল ত্থিঅ মহাসুহবাসে॥ ৫ ॥
অয়মর্থঃ। বামনাশাপুটে প্রজ্ঞাচন্দ্রস্বভাবেন ললনা স্থিতা। দক্ষিণনাশাপুটে উপায়সূর্য্যস্বভাবেন রসনা স্থিতা। দ্বে ষণ্ডে স্থিতে। দ্বয়োঃ ষণ্ডয়োঃ (স্বর্গয়োঃ) বামদক্ষিণয়োঃ [পার্শ্বয়োঃ] তথাচ হেবজ্রে।
ললনা প্রজাস্বভাবেন রসনো(রশোনো)পায়সংস্থিতা।
অবধূতী(তি) মধ্যদেশে তু গ্রাহ্যগ্রাহকবর্জ্জিতা॥ ইতি
গ্রাহ্যং জ্ঞেয়ং গ্রাহকো জ্ঞানং তাভ্যাং বর্জ্জিতা। তত্র দ্বয়াভিন্নমিতি ভাবঃ। জ্ঞেয়জ্ঞানয়োর্জন্যজনকেভ্যো তয়োর্বিপর্য্যাসাভাবেন সত্তালাভব্যুদাস[া]দিত্যর্থঃ। শূন্যাতিশূন্যমহাশূন্য-সর্ব্বশূন্যমিতি চতুঃশূন্যস্বরূপেণ পত্রচতুষ্টয়ং চতুরাদিস্বরূপেণ চতুর্মৃণালসংস্থিতা। কুত্রেত্যাহ। মহাসুখং বসত্যস্মিন্নিতি মহাসুখাবাস উষ্ণীষকমলং তত্র সর্ব্বশূন্যালয়ো ডাকিনিজা[লা]ত্মকজালংধরাভিধানং মেরুগিরিশিখরমিত্যর্থঃ॥ ৫॥
এবং কাল বী[অ]লই কুসুমিঅঅরবিন্দএ।
মহু[অ]রূএ সুরঅবীর জিংঘঅ মঅরংদতএ॥ ৬ ॥
এবং বীজং গৃহীত্বা কুসুমিতং অরবিন্দং কমলং মধুকররূপেণ চিত্তবজ্রপ্রজ্ঞোপায়যোগা[ৎ] সুরতমনবচ্ছিন্নমহারাগরূপেণ বিরাগদমনাদ্বীরঃ মকরন্দং পুষ্পরসং সুরতবীরতয়া চ অচ্যুতং মহারাগং সুখং চিত্তং বজ্রোঽনুভবতীত্যর্থঃ। নতু স্বয়ং বিষয়ীভূয় [অ]নাদিক্রমেণ ফলং নিষ্পাদ্য জিঘ্রন্তি কথং দৃশ্যতে। অথবা দৃশ্যতে আগমান্তরে।
তথাচ শ্রীহেবজ্রে।
স্বয়ং কর্ত্তা [স্বয়ং হর্ত্তা] স্বয়ং রাজা স্বয়ং প্রভূরিতি।
স্বয়ং হ(ক)র্ত্তেতি স্বয়মেব সংহাররূপঃ। স্বয়ং প্রভূরিতি সর্ব্বাধিপত্যযুক্তবৎ। বিশ্বরূপমণিরিব প্রকাশস্ফুরণসংহরণস্বরূপঃ॥ ৬॥
পঞ্চ মহাভুতা বীঅ লই সামগ্গি এ জইঅ।
কঠিন পূহবিঅ জল অব তেঅ গংতবহ[গঅণ] সংজইঅ॥ ৭ ॥
অয়মর্থঃ। পঞ্চমহাভূতানি পৃথিবী অপ্তেজো বায়ু আকাশাদিপঞ্চকং বীজং গৃহীত্বা সামগ্র্যা বোলকক্কোলযোগেন (কেলকক্কোল্যযোগ্যেন) তদেব দর্শয়ন্নাহ কর্কশত্বাৎ কঠিনা পৃথ্বী দ্রবত্বাজ্জলং তেজো ঘর্ষণাৎ হুতবহোগ্নিঃ সংজাতঃ গগনাৎ সমীরণঃ। সুখরূপত্বাৎ গগ(ম)ণং। ভূতপঞ্চকৈঃ পরিপূর্ণমিলিতং শরীরমিত্যর্থঃ। তথাচ শ্রীহেবজ্রে:—
কস্মাদ্ভৌতিকঃ স্কন্ধঃ। ভগবানাহ:—
বোলকক্কোলযোগেন স্পর্শাৎ কাঠিন্যধর্ম্মণঃ।
* * * পৃথিবী তত্র জায়তে।
বোধিচিত্তদ্রবাকারাদপধাতোশ্চ সম্ভবঃ।
তেজো জায়তে ঘর্ষণাৎ গমনাদ্বায়ুঃ প্রকীর্ত্তিতং॥
সৌখ্যমাকাশধাতুঞ্চ পঞ্চভিঃ পরিতঃ স্থিতম্।
অয়মর্থঃ। তত্রেতি সহজে পৃথিবীধাতুরুৎপদ্যতে। বোল বজ্র কক্কোল পদ্ম বজ্রপদ্মসংযোগেনেত্যভিপ্রায়ঃ। তত্র সহজে বোধিচিত্তং জায়তে শুক্রমুৎপদ্যতে। তস্য চন্দ্ররূপত্বাদপঃ-সম্ভব উৎপাদ ইতি। ঘর্ষণাৎ তেজো জায়তে। বজ্রপদ্মঘর্ষণেন তেজোধাতুরুৎপদ্যতে। গমনাৎ বায়ুঃ প্রকীর্ত্তিতঃ চালনরূপত্বাদ্বায়ুধাতুঃ প্রকীর্ত্তিতা। সৌখ্যমাকাশধাতুশ্চ সৌখ্যরূপত্বাৎ॥ ৭॥
গঅণসমীরণসুহআমহি পঞ্চেহি পরিপূণ্ণএ।
সঅলসুরাসুর এহু উঅত্তি বটিএ এহু সো সুন্নএ॥ ৮ ॥
অয়মর্থঃ। গগনমাকাশং সমীরণো বায়ুঃ তয়োঃ সুখাবাসে সুখস্থানে পঞ্চভি[র্ম]হাভূতৈঃ পরিপূর্ণ ইতি। সকলানাং মনুষ্যাদীনাং সুরাসুরাণাং উৎপত্তিকারণং পঞ্চ ইতি। তদেব সকলসুরাসুরঃ (শা শরোবর) কিম্ভূত ইত্যাহ। এতজ্জ্ঞানরহিতত্বাৎ বটে মূর্খ ইত্যক্ষরেণ সম্বোধনম্। এতদেব ভূতপঞ্চকং স্বভাববিরহাৎ শূন্যনিস্তরঙ্গশ্চতুর্থঃ সহজরূপমিত্যর্থঃ।
তথাচ।
আসাদ্য কোপি লবণং জসমেকদেশে
ক্ষারাম্বুধিং (স্কারাম্বূদ্ধিং) সকলমেব পরিচ্ছিনত্তি (হ্মিনন্তী)।
ভাবৈকরূপমবগম্য তথৈকদেশে
ত্রৈধাতুকং সকলমেব পরিচ্ছিনত্তি॥ ৮ ॥
পৃথীব্যা ইন্দ্রিয়ং নাসিকা তস্যা বিষয়ো গন্ধঃ। পৃথিব্যামেব গন্ধো নান্যত্র। অপামিন্দ্রিয়ং রসনা তস্যা বিষয়ো রসঃ, নিয়মেন র[স]মেব গৃহ্ণাতি। তেজস [ই]ন্দ্রিয়ং চক্ষুঃ তস্য বিষয়ো রূপম্। বায়োরিন্দ্রিয়ং ত্বক্ তস্য বিষয়ঃ স্পর্শঃ (পস্গ) ভগলিঙ্গাদিস্পর্শবিষয়ঃ। আকাশস্য ইন্দ্রিয়ং শ্রোত্রং (তং) তস্য বিষয়ো হি শব্দঃ, নিয়মেন শব্দমেব গৃহ্ণাতি নান্যৎ। এতদেব (য়েতৎ দেব) স্পষ্টয়ন্নাহ।
খিতিজলজল[ন]পবনগঅণ বি মানহ।
মণ্ডলচক্ক বিষয়বুদ্ধি লই পরিমাণহ॥ ৯ ॥
এতদেব ভূত(জ)পঞ্চকং বিষয়ো বজ্রাব্জসংযোগাৎ তস্মিন্নিতি যা বুদ্ধিঃ সুখচিত্তং সা বিষয়বুদ্ধিঃ তামাদায় মাদৃগুপদেশাৎ পৃথিব্যপ্তেজোবায্বাকাশপর্য্যন্তং যাবৎ প্রতিপদ্যস্ব॥ ৯॥
এতেন তৎ কীদৃশং ভবতীত্যাহ।
নিতরঙ্গ সম সহজরূঅ সঅলকরূষবিরহিতে।
পাপপুণ্ণরহিএ কুচ্ছ নাহি ফুল কাহ্নু কহিএ॥ ১০॥
অয়মর্থঃ। তরঙ্গাভাবান্নিস্তরঙ্গং সমং নির্ব্বাণং সহজরূপং সকলকলুষবিরহিতং বিরাগাদিপাপৈর্বিরহিতং পরিত্যক্তমিত্যর্থঃ।
তথাচ শ্রীমদাদিবুদ্ধেন
বিরাগাৎ [ন] পরং পাপং ন পুণ্যং সুখতঃ(তে) পরম্।
অতোঽক্ষরসুখে চিত্তং নিবেশ্যন্তু সদা নৃপ॥
ততশ্চ এতেন ত্রৈধাতুকঞ্চ নিস্তরঙ্গসহজরূপং বেদিতব্যং পঞ্চমহাভূতপরিঘটিতত্বাৎ। তথাচ শ্রীহেবজ্রে
সুখং কৃষ্ণং সুখং পীতং সুখং রক্তং সুখং সিতম্।
সুখং নীলং সুখং কৃষ্ণং [সুখং সর্ব্বং] চরাচরম্॥
ইত্যেবংভূতে মহাসুখং সুখাভিধানেঽপি দুঃখরহিতাবস্থিতাবিতি পাপং রাগাদিদুঃখং পুণ্যং রাগসুখং তত্রৈকমপি নাস্তি। তথাচ শ্রীসম্পুটে।
রাগঞ্চৈব বিরাগঞ্চ বর্জ্জয়িত্বা পুনঃ স্থিতঃ।
স্ফুটঞ্চ কৃষ্ণাচার্য্যকথিতমেতৎ [ন] অন্যৈঃ কথিতমিত্যর্থঃ। এতচ্চ জ্ঞানবহির্মুখৈঃ বহিরাত্মযোজ(গ)না(ণা)য়। কৃষ্ণং শ্যামং কৃষ্ণং শবলং (সভলং) কৃচ্ছ্রদুঃখং জাতমিতি দর্শয়ন্নাহ॥ ১০॥
বহি নিক্কলিত্তা কলিত্তা সুণ্ণাসুণ্ণ পইঠত্তা।
সুণ্ণাসুণ্ণ বেণী মাজরে বট কিংপি নহি দট্টা॥ ১১॥
এবঞ্চেৎ, নাস্ত্যেব কিঞ্চিত্তত্ত্বমিত্যাহ।
সহজ এক পরআথে তহি ফুল্ল কাহ্ন পরজই।
শাত্থ আগম বহু পঠই বট কিংপি ন জানই॥ ১২ ॥
অয়মর্থঃ। সহজমেকং পরং তত্ত্বমস্তি। তচ্চ কৃষ্ণবজ্রঃ পরং জানাতি। শাস্ত্রাণি তর্কাদীনি আগমাঃ ক্রিয়াচর্য্যাদিকাণি বহুবিধানি পঠতি পাঠয়তি শৃণোতি শ্রাবয়তি চ কিমপি [ন জানাতি] বজ্রযানাদিনিরুত্তরমন্ত্রনয়রহস্যবহির্মুখত্বাত্তৎ পুনর্মৎসদৃশঃ পরং জানাতীত্যর্থঃ॥ ১২॥
অহ ণ গমই ঊহ ণ জাই
বেণিরহিঅ তসু নিচ্চল পাই।
ভণই কহ্ন মন কহবি ণ ফুট্টই
নিচ্চল পবণ ঘরিণি ঘর বত্তই॥ ১৩ ॥
অধো ন[গচ্ছ]ত্যপানবায়োর্নিরোধাৎ ঊর্দ্ধং ন গচ্ছতি প্রাণবায়োর্নিরোধাৎ। দ্বাভ্যামূর্দ্ধাধঃ-প্রাণাপানাভ্যাং রহিতং পরিত্যক্তং তস্য তথারূপেণ বোধিচিত্তং নিরস্য তিষ্ঠতীতি। তদেব দর্শয়ন্নাহ। ভণতি কৃষ্ণাচার্য্য[ঃ] মন বোধিচিত্তং কথমপি ন স্ফুটতি ন রুধ্যতীত্যর্থঃ॥ ১৩॥
এবংভূতং বোধিচিত্তং কুত্র বর্ত্তত ইতি তদেব স্পষ্টয়ন্নাহ।
বরগিরিকন্দরকুহির জগু তহি সঅল চিত্ত [ত্থ]ই।
বিমল সলিল সোস জাই কালাগ্নি পইঠ্ঠই॥ ১৪ ॥
অয়মর্থঃ। বরঃ শ্রেষ্ঠো গিরিঃ কঙ্কালরূপো মেরুগিরিঃ। তথাচ শ্রীসম্পুটে।
স্থিত[ঃ] পাদতলে বায়ুঃ ভৈরবো ধনুরাকৃতিঃ।
স্থিতোঽস্তি কটিদেশে তু ত্রিকোণোদ্ধরণস্তথা॥
বর্ত্তুলাকাররূপো হি বরুণস্ত্রিদলে স্থিতঃ।
হৃদয়ে পৃথিবী চৈব চতুরস্রা সমস্ততঃ।
কঙ্কালদণ্ডরূপোহি সুমেরুর্গিরিরাট্ তথেতি॥
তস্য কন্দরং কুহরং তদেব পঞ্চানামগোচরত্বাদ্ গম্ভীরং তত্র কিম্ভবতীত্যাহ। তত্র নৈরাত্মধাতুঃ জগৎ সকলমেব উৎপন্নং স্থিরীভবতি। এতেন কিং স্যাদিত্যাহ। বিমলং নিবৃত্ত্যা সুখরূপেণ সলিলে সাংবৃতশুক্রদ্রবাকারেণ বিমলরূপং সমরূপং বোধিচিত্তং শোষং যাত্যধঃপততীত্যাহ। তথাচ শুক্রসিদ্ধৌ—
পতিতে বোধিচিত্তে তু সর্ব্বসিদ্ধিনিধানকে।
মূর্চ্ছিতে স্কন্ধবিজ্ঞানে কুতঃ সিদ্ধিরনিন্দিতা॥
কালাগ্নিশ্চুত্যবস্থা কৃষ্ণপ্রতিপৎপ্রবেশকালপ্রবৃত্ত ইতি কথমেতৎ॥ ১৪॥
অচ্যুতে মহারাগসুখমনুভবতীত্যাহ।
এহু সো উদ্ধ [মে]রু(র) ধরণীধর সমবিসম উত্তাল ন পাবই।
ভণই কাহ্ন দুখ্খ দুক্কর দুরববাহ কো মনে পরমতত্ত্বে পরিভাবই॥ ১৫ ॥
অয়মর্থঃ। এষোয়ং বালযোগী দুঃখেন প্রাণাপাননিরোধেন সর্ব্বথা নিশ্চলমনসে; নিশ্চলত্বেন নহি ক্রমতি চন্দ্রমাঃ। এবং পূর্ব্বোক্তো মেরুঃ তত্র সমবিসম ইতি প্রাণাপানয়োঃ প্রবেশনিষ্কাশাভ্যাং তথা চোত্ত[র]মূর্দ্ধমেরুশিখরং ন প্রাপ্নোতি। অতএব ভণতি কৃষ্ণবজ্র[ঃ] দেবানামলক্ষিতত্বাৎ শ্রাবকাদীনামসাধারণং যোগিনামগোচরং পরমং তত্ত্বং দুরবগাহং কো মনসি ব্যবলোকয়তি॥ ১৫॥
জো স[ং]বেঅই(ণ) মণ[র]অণ অহরহ সহজ ফরন্ত।
সো পরূ জানই ধম্মগই অন্ন কি সুনই কহন্ত॥ ১৬ ॥
য[ঃ] সংবেত্তি মনোরত্নং কুলিশাব্জসংযোগাৎ অচ্যুতিরূপং বোধিচিত্তং অহর্নিশং সহজস্বভাবং পরিস্ফুটং স পরযোগীন্দ্রো ধর্ম্মস্য যথাভূতগতিং জানাতি নান্যো হীন্দ্রিয়ঘর্ষণলক্ষণসুখাভিনিবিষ্টঃ ইতি অতএবাহ॥ ১৬॥
সহজানন্দে (পহবহন্দ্রে) ণিঅমন পংদন (বধন) কিঅট জেণ।
তিহুঅণ সয়ল বিফারিআ পুণু সংহারিঅ তেন॥ ১৭ ॥
স্পন্দরূপং বোধিচিত্তং স্থিরীকৃতং যেন যোগীন্দ্রেণ ত্রিভুবনং কায়ানন্দবাকানন্দচিত্তানন্দস্বরূপং সকলং নিরবশেষং স্ফুরিতং মত্বা পুনঃ সংহারিতং সহজানন্দে প্রবেশিতম্ সুখাভিধানে নিবেশিতম্ ইতি ভাবঃ॥ ১৭॥ অত আহ॥
কাহি তথাগত লভতে উ দেবী কহগণেহি।
মণ্ডলচক্কবিমুক্ক অচ্ছউ সহজখণেহি॥ ১৮ ॥
অয়মর্থঃ। কিমর্থম্। চিত্তবজ্রতথাগতা দেবী ক্রোধগণে লভ্যতেতি মণ্ডলচক্রবিমুক্তঃ সহজক্ষণে তিষ্ঠামীতি সম্বন্ধঃ। স্কন্ধধাত্বা(ধ্যাত্বা)য়তনাদ্যা[ঃ] কালকায়বাক্চিত্তমণ্ডলদেবতাশ্চেৎ মহাসুখোপদেশসমরসীভাবং গতাঃ তর্হ্যেতদেব মহামণ্ডলং অতো নান্যতঃ পৃথগ্মণ্ডলমস্তীতি তথাচ গুটিকাতন্ত্রে।
সর্ব্বাঙ্গভাবনাতীতং কল্পনাকল্পবর্জ্জিতম্।
মাত্রাবিন্দুসমাযুক্তং এতন্মণ্ডলমুত্তমম্॥ ১৮ ॥ ইতি
সহজে নিচ্চল যেন কিয় সমরসে নিঅমণ রাঅ।
সিদ্ধে সো পুণ তক্খণে ণউ জরমরণহ স ভায়॥ ১৯ ॥
অয়মর্থঃ। সহজে মহাসুখোপায়েন নিশ্চলমস্খলিতরূপং কায়ানন্দাদ্যেকরসী(লশা)ভাবেন বোধিচিত্তং জ্ঞানানন্দচতুর্থং যেন যোগিনা কৃতমিতি সম্বন্ধঃ। তদভ্যাসপর্য্যন্তেন (তদশ্বাসপর্য্যেতেন) বৃত্ত্যাগমন[তৎ]ক্ষণাৎ জরামরণং বিহায় সিদ্ধো ভবতি। মহামুদ্রাং সাক্ষাৎকরোতীত্যর্থঃ।
তথাচ শ্রীসমাজে।
অরুণোদ্গমবেলায়াং সিদ্ধ্যন্তে নাত্র সংশয়।
তমেবার্থং স্পষ্টয়ন্নাহ॥ ১৯॥
ণিচল [নিব্বিঅল্প] নিব্বিআর।
উঅ[অ]অত্থমণরহিঅ সুসার॥
অইসো সো নিব্বাণ ভণিজ্জই।
জহি মন মানস কিংপি ন কিজ্জই॥ ২০ ॥
অয়মর্থঃ। নিশ্চলং সর্ব্বসঙ্কল্পবায়ুভিরচলত্বাৎ, নির্ব্বিকল্পং মুদ্রারহিতত্বেন, নির্ব্বিকারমিন্দ্রিয়াতীতত্বাৎ, উদয়াস্তংগমনরহিতত্বেন শরদমলমধ্যাহ্নসন্নিভম্, খসমাকারমেতন্নির্ব্বাণং ভণ্যতে। যত্র যাবন্মনশ্চিত্তং মনসা চতুরশী(সী)তিপ্রকৃতয়ো ন কিমপি ক্রিয়তে॥ এতাদৃশঃ স্বপরাপরসংকল্পং কিঞ্চিদপি ন জায়তে। তত্র প্রভাস্বরজ্ঞানোদয়সময় ইত্যর্থঃ॥ ২০॥
এবংকার জে বুজ্ঝিঅউ তে বুজ্ঝিঅউ সঅল অশেষ।
ধম্মকরণ্ডহো সোহু রে নিঅ পহুঁ করো বেশ॥ ২১ ॥
অয়মর্থঃ। এবংকার ইতি। শূন্যতাকরুণাভিন্নরূপিণী মহামুদ্রা ইত্থং এবংকারং যেন প্রতীয়তে তেন যোগীন্দ্রেণ স্কন্ধধাত্বায়তনাদীনাং প্রতীতমিতি। সৈব মহামুদ্রা ধর্ম্মকরণ্ডকরূপা ধর্ম্মকায়াৎ। অতস্তেষাং করণ্ডকণ্ঠানাং সৈব রসং বোধনং নিজপ্রভোর্বজ্রধরস্য বেশ আভরণং অলঙ্কারঃ শোভনমিতি যাবৎ। তথাচ শ্রীহেবজ্রে।
একারাকৃতি যদ্দিব্যং মধ্যে বংকারভূষিতম্।
আলয়ঃ সর্ব্বসৌখ্যানাং বুদ্ধরত্নকরণ্ডকম্॥
অন্যত্রাপ্যুক্তং।
একারস্তু ভবে[ৎ] মাতা বকারস্তু রতাধিপঃ।
বিন্দু[ঃ] চানাহতং জ্ঞানং তজ্জাতান্যক্ষরাণি চ॥ ২১ ॥
জই পবনগমনদুআরে দিত তালা বিভিজ্জই।
জই তসু ঘোরান্ধারে মন দিব হো কিজ্জই॥
জিন রঅণ উঅজ্জই।
ভণই কাহ্ন ভব ভুংজতে নিব্বাণ বি মিজ্জই॥ ২২ ॥
অয়মর্থঃ। পবনস্য গমনদ্বারং তত্রার্দ্ধং যদিদমভেদিতমভেদ্যতালসংপুটীকরণং চন্দ্রসূর্য্যয়োর্মার্গনিরোধং দীয়তে। যদি তস্মিন্ ঘোরান্ধকারে মনোবৃত্তির্বোধিচিত্তং তদেব মহাসুখপ্রকাশকত্বাৎ দীপঃ ক্রিয়তে, তজ্জিনরত্নং অধঊর্দ্ধ্বপদ্মং বরগগনাখ্যমবধূতী স্পৃশতি তমালিঙ্গয়তি। এতেন কিং স্যাদিত্যাহ। ভণতি কৃষ্ণবজ্র[ঃ] তদেব ভবং ভুজ্যমানে সতি পঞ্চকামগুণানুভবং কুর্ব্বাণে নির্ব্বাণং মহামুদ্রাপদং সাক্ষাদ্ভবতি॥২২॥
এতদেব স্পষ্টয়ন্নাহ।
জো ন্নথু নিচ্চল কিঅউ মণ সো ধম্মক্ষর পাস।
পবন হো বজ্ঝই তক্খণে বিসয়া হোন্তি নিরাস॥ ২৩ ॥
অয়মর্থঃ। স পুরুষো বজ্রাব্জযোগে নিশ্চলীকৃত্য মনো বোধিচিত্তং পূর্ব্বোক্তলক্ষণানাহতাক্ষরমহামুদ্রাপার্শ্বে পবনোপি প্রাণবায়ুর্বধ্যতে। তৎক্ষণং ক্ষণান্তরং নাপেক্ষিত ইত্যর্থঃ। অষ্টাদশধাতুবিকাররহিতত্বাৎ। তথাচ সরহপাদাঃ—
তে ধাতবঃ ক্ষীণতরা বভূবুর্বায়ুঃ স্বতন্ত্রো যত এষ এব।
সা কামিনী কামুক[ক]ণ্ঠলগ্না অদ্যাপি কিং কায়সুখং সুহৃন্মে॥
ননু ধর্ম্মাক্ষরমে[তৎ] কুত্র জ্ঞাতব্যমিতি॥২৩॥
পরম বিরম জহি বেণি উএক্ষ তহি ধম্মক্খর মহো (মঝহো) লক্খই।
অইস উএসে জই ফুল সিজ্ঝই পবনঘরিণি তহিঁ নিচ্চল বজ্ঝই॥ ২৪ ॥
অয়মর্থঃ। পরমবিরমৌ রাগবিরাগৌ কালবিকালরূপৌ দ্বাবুপেক্ষধ্বং। তত্র ধর্ম্মাক্ষরমুক্তলক্ষণং ষোড়শীকলারূপং মধ্যে লক্ষয়েদিতি। পূর্ব্বোক্তজ্ঞানমুদ্রোপদেশপ্রতিপাদনার্থমাহ। ঈদৃশেন মন্ত্রনয়োপদেশেন যদি ফুটমেতৎ জ্ঞানমুদ্রা সিদ্ধ্যতি সম্পদ্যতে। তদা কিং ভবতীত্যাহ। প্রাণবায়োর্গৃহিণ্যাঃ তস্যা জ্ঞানমুদ্রায়াঃ শবরীরূপায়াঃ স্থিরং বাধ্যতে নিশ্চলীভবতীত্যর্থঃ। ননু শ[ব]রী তাবৎ পতিতা, শবরঃ পুনঃ কিংভূতঃ কুত্র বসতীত্যাহ॥২৪॥
বরগিরি শিহর উতুঙ্গ মুণি শবরে জহিঁ কিঅ বাস।
ণউসো লংঘিঅ পঞ্চাননেহি করিবর দুরিঅ আস॥ ২৫ ॥
বরগিরিঃ স এবং পূর্ব্বোক্তগিরিস্থানে শিখর শৃঙ্গ তদেব মহাসুখাধারত্বাৎ উত্তুঙ্গ মহৎ তত্র শবরেণ বজ্রধরেণ ভগবতা কৃতো ব[াসঃ] কিংবিশিষ্ট ইত্যাহ। ন তল্লঙ্ঘিতো নাক্রান্তঃ কেনেতি পঞ্চমণ্ডলাত্মকপ্রাণপবনকরিবরস্য চিত্তগজেন্দ্রস্য দূরত[র]মিতি॥ ২৫॥
এহু সো গিরিবর কহিঅ মণি এহু সো মহাসুহ থাব।
এত্থুরে নিস্সগ্গ সহজ খণ্ডণ হই মহাসুহ জাব॥ ২৬ ॥
অয়মর্থঃ॥ স এব গিরিবরঃ কথিতো ময়া কৃষ্ণবজ্রেণ নান্যেন কথিতং মদ্বিধা অপরে কথিতুং [ন] সমর্থ ইতি বিবৃত্যা এতদেব মহাসুখস্থানং পূর্ব্বোক্তমেব স্থলী এতস্মিন্। তদেব মহাসুখলক্ষণং নির্ব্বাণং কুরুত যাবচ্চতুর্দ্দশভূমীশ্বরো বজ্রধরপদং ন লভ্যতে। কিম্ভূতোঽসৌ বজ্রধর ইত্যাশঙ্ক্যাহ।
স বজ্রগু[রু] কা[অ]বাঅমণ মিলিঅ বিফুলই তহি সো দূরে।
সো এহু ভঙ্গে মহাসুহ নিব্বাণ এথুরে॥ ২৭ ॥
অয়মর্থ:—সর্ব্বে তে বৈরোচনাদয়স্তথাগতা রূপাদিপঞ্চস্কন্ধস্বরূপেণ জগদাকারাস্তেষাং কায়বাক্চিত্তং পৃথিব্যাদিরূপেণ বৈরোচনাদিদেব্যাহি তাভির্মিলিতমেকলোলীভূতং মহারাগাদি সংবোধিলক্ষণবজ্রধরশরীরং ক্ষীরনীরন্যায়েন এভিঃ সমরসীভাবঃ তত্রৈব বজ্রধরশরীরে তদেব কায়বাক্চিত্তাদিকং জলতরঙ্গন্যায়েন বিস্ফুরতি। অনেন ত্রৈধাতুকং বজ্রধরশরীরমিত্যর্থঃ॥ ২৭॥
এক্ক ণ কিজ্জই মন্ত ণ তন্ত
ণিঅ ঘরণি লই কেলি করন্ত।
ণিঅঘর ঘরিণী জাব ণ মজ্জই
তাব কি পঞ্চবর্ণ বিহরিজ্জই॥ ২৮ ॥
অস্যায়মর্থঃ। একমপি ন ক্রিয়তে মন্ত্রো ন মন্ত্রজাপঃ তন্ত্রো ন তন্ত্রপাঠঃ নিজগৃহিণী জ্ঞানমুদ্রা শুচিত্বাবভাসা সদ্গুরূপদেশেন তাং গৃহীত্বা কেলি ক্রীড়াং কুর্ব্বতা যোগিনা স্থেয়মিতি। তথাবাদি চ।
কেচিত্তস্যাভাসমাত্রা সুমনসি জনিতা দর্শবিম্বোপমা বৈ
যোগীন্দ্রৈঃ সেবনীয়া পরমজিনসুতৈঃ সেবিতা যা চ বুদ্ধৈঃ।
সা জ্ঞানার্চ্চিঃ প্রবৃদ্ধা দহতি সবিষয়ং মারবৃন্দং সমস্তং
রাগাদিঞ্চাপি কায়ে দহতি সমসুখং যোগিনাং বর্ষযোগাৎ॥
এতস্যাং ভগবত্যাং আসক্তেন যোগিনা মন্ত্রতন্ত্রগ্রহো ন কর্ত্তব্যমিতি।
নিজগৃহিণী মহামুদ্রারূপং তত্র [গৃ]হিণী সৈব জ্ঞানমুদ্রা যাবন্ন মজ্জতি ন লীয়তে তাবৎ কিং পঞ্চবর্ণসংস্থানৈঃ কিং ক্রিয়ত ইতি। অস্যা এব মহামুদ্রায়াঃ ফলং সাধনোপায়ত্বং নিশ্চয়েন দর্শয়ন্ পুনস্তদেবাহ॥ ২৮॥
এষ জপহোমে মণ্ডলকম্মে
অনুদিন অচ্ছসি কাহিউ ধম্মে।
তো বিণু তরুণি নিরন্তর নেহে
বোহি কি লাভই এণ বি দেহে॥ ২৯ ॥
অনেন বাহ্যভূতেন হোমেন মণ্ডলকর্ম্মণা অনুদিনং তিষ্ঠসি, কিং মূঢ় মনসা[মূ]ঢ় [কেন] প্রকারেণ। কথমেতৎ সর্ব্বং নিষ্ফলমিতি। তয়া বিনা সদৈব রাগময়ঃ তরুণ্যা মহামুদ্রয়া সহ রতিরন্তরমনবচ্ছিন্নানুরাগস্তেন বিনা কিং মহামুদ্রা লভ্যতে অনেন মনুষ্যদেহেনেতি। মনুষ্যদেহং বিহায় দেহাত্তরেণ বোধির্ন স্যাৎ কিং সত্যমেতৎ। কুতঃ নরা বজ্রধরাকারা যোষিতো বজ্রযোষিতঃ ইতি বচনাৎ তস্যা ফলমাহ॥ ২৯॥
বুঝি অবিরল সহজসুণ কাহি বেঅপুরাণ।
তেনো(পো)তোলিঅ বিষয়বিয়প্প জগু রে অশেষ পরিমাণ॥ ৩০ ॥
যেন প্রতীতং সদোদিতং মহামুদ্রাস্বরূপং সহজলক্ষণং পূর্ব্বস্মাৎ খ্যাতমাগমং তেন যোগিনা সকলবিকল্পাবশেষমনো অহংকার স্ফোটিতমু[ন্মূলিতমিত্য]র্থঃ॥ ৩০॥
জে কিঅ নিচ্চল মণ রয়ণ [ণিঅ ঘরণী] লই এত্থো।
সো বাজির ণাহুরে ময়ি বুত্ত পরমত্থো॥ ৩১ ॥
অয়মর্থঃ। যেন কৃতং প্রচণ্ডালী চালয়িতুমশক্যত্বাৎ নিশ্চলং মনোরত্নং বোধিচিত্তং নিজগৃহিণী ইয়মেব দিব্যমুদ্রা তত্রৈব এবংকারে মহাসুখস্থানে স এব বজ্রী বজ্রধরো নাথঃ কায়বাক্চিত্তপ্রভুঃ। উক্তো ময়া কৃষ্ণবজ্রেণ পরমোঽকৃত্রিমোঽয়মর্থঃ। এতস্মিন্নন্যথা নাস্তীত্যর্থঃ॥ ৩১॥
এতদেব স্পষ্টয়ন্নাহ:—
জিম লোণ বিলিজ্জই পাণিএহি তিম (তিনিম) ঘরিণী লই চিত্ত।
সমরস জই তক্খণে জই পুণু তে সম ণিত্ত॥
অয়মর্থঃ। যথা লবণং বিলীয়তে পানীয়েন তথা গৃহিণী জ্ঞানরূপিণী গৃহীত্বা চিত্তং সমরসমেকলোলীভাবং গচ্ছেৎ তৎক্ষণং যদিপুনস্তয়া সুখচিত্তরূপয়া গৃহিণ্যা সমং নিত্যং অবস্থিতো ভবতীতি এতেন যুগনদ্ধা বজ্রসত্ত্বা দর্শিতা ইতি॥ ৩২॥
ইত্যাচার্য্যপাদীয়দোহাকোষমেখলা টীকা সমাপ্তম্।
শুভসংবৎ [নেপাল] ১০২৭ মিতি শুদ্ধ চৈত্র শুক্র ৬ গুরু বা দিনে লিখিতম্। শুভং ভূয়াৎ॥