কইতর হএয়া গোদা জম সগ্গে উড়াইল।
ওঠে মএনা বুড়ি দিশাহারা হৈল॥
মহামন্ত্র গিয়ান নিলে মএনা রিদএ জপিয়া।
লৈক্ক গোণ্ডা হাড়িয়া বাজ হৈল কায়া বদলিয়া॥
এক্কে টালে কৈতর বেটাক মিতিঙ্গাএ ফ্যালাইল।৪১৫
সইস্যা হৈয়া গোদা জম দুবুলায় লুকাইল॥
ওঠে বুড়ি মত্রনা দিশাহারা হৈল।
ধিয়ানের বুড়ি মএনা ধিয়ান করিল।
ধিয়ানতে মএনা বুড়ি সইস্যার লাগ্য পাইল॥
মহামন্ত্র গিয়ান নিলে রিদএ জপিয়া।৪২০
লৈক্ক গোণ্ডা ঘুঘু কৈতর হৈল কায়া বদলিয়া॥
এক এক করিয়া সইস্যা জাএছে গিলিয়া।
আবার বাম গাল্সি দিয়া গোদা পড়িল হস্কিয়া॥
ইচিলা মাছ হএয়া গোদা খারবাড়িত লুকাইল।
মাচির কামড় সইবার না পারিয়া।
গোদা যম পালাইল ছাড়িয়া॥
মাছি রূপ থুইল ময়না একতর করিয়া।
আপনার রূপ হইল মুরত বদলাইয়া॥
ঐত গোদা কাক ধরিল পিট্টিয়া।
এক পাঁজা এলুয়া খেড় আনিল উকড়িয়া॥
বান পুটি কুচনি পাকায় তেপথীত বসিয়া।
ময়নার কমড়ে যমের কমড়ে বান্দনে বান্দিয়া॥
হাতের হেমতালের লাঠি দিয়া নি যায় ডাঙ্গাইয়া॥
ময়না বলে শুন যম বলি নিবেদন।
আমার স্যামী ধন দেও আর ছাড়িয়া॥
তোমার স্যামী ধন আমি না দিব ছাড়িয়া।
ঐটে হইতে ময়নামতি রোদন কৈরতে নাগিল॥
আমার পতি নাই ঘরে রে দীননাথ।
আমি কার লক্ষে রবরে নবিন বসতে॥ ধুয়া॥