থামল, রাক্ষসনীডাও মইরা গেল। অজাগ্গরের মাথায় সে একটা মনি সূরুযের মত জ্বলতে আছিল্, হেইডা লইয়া রাক্ষসীর—পূরীতে আইয়া যত গুলাইন হাড় আছিল তার মধ্যে ছুঁওরাইতেই হাড় গুহাইন মানুষ অইল। তার পরে সব রাজকুমাররারে লইয়া মদমকুমারের বাড়ীৎ গিয়া উপস্থিত অইল। সভা কইরা বেবাক[১] রাজকুমার বইছে[২], তার মধ্যে রাজকুমার বেশে মধুমালাও বইছে। তখন আর আর রাজকুমাররা মধুমালা যে অত কষ্ট কইরা তারারে বাঁচাইয়া আন্ছে, তার লাগ্যা তারে সগলে[৩] খুব বাখ্নাইতে[৪] লাগ্ল। তখন মধুমালা কইল—এইডা আর একটা কষ্ট কি। একটা রাজ কন্যা, তার স্বামীরে কত খান্তে[৫], কত কষ্ট কইরা যে বাঁচাইয়া আন্চে, তার কথা হুন্লে আপনারা একেবারে আপানারা আচানক অইবাইন[৬]। এই কথা শুন্যা রাজকুমাররাও সেই কন্যাকে কথা কওনের লাগ্যা বেগার্তা[৭] আরম্ভ করল। মধুমালা কইল—আমি হেই কথা কইতাম[৮] পারি, কিন্তু আমার একটা কথা আছে। আমি কথা শুরু করলে কেউ যদি মাঝ্খানে ভাঙ্গতি[৯] দেয়, তা অইলে আর আমি কথাও কইতাম না[১০]; এই জর্ম্মে[১১] আমার লগে আর তানি দেখাও অইত না[১২]। তখন সগলে পর্তিজ্ঞা করল যে “হু” ছাড়া আর তারা কোন শব্দ করত না[১৩]।
মধুমালা তার কথা আরম্ভ করল। নামের পরিচয় গোপান্ কর্যা, মদনকুমারের জর্ম্ম কইতে কথা আরম্ভ হইল। তার পর খাটপালঙ্ক বদলের কথা, স্বয়ংবরের কথা, বনবাসের কথা, কি রকমে রাজকুমার অন্ধ অইল
